2 قىركۇيەكتە پرەزيدەنت قاسىم-جومارت توقايەۆ "ادىلەتتى قازاقستان: ءبارىمىز جانە ءارقايسىمىز ءۇشىن" اتتى حالىققا ارناعان جولداۋىندا اتوم ەلەكتر ستانسياسىن سالۋ تۋرالى ايتىپ، حالىقتىڭ پىكىرىن تىڭداۋ ءۇشىن رەفەرەندۋم جاريالادى. وسى ۋاقىتتان بەرى ءبىر ايدان اسا ۋاقىت ءوتىپتى. قوعام اتوم ەنەرگياسى تاقىرىبىن كەڭىنەن تالقىلاۋدا. بىرەۋلەر ءوز دايەكتەرىن كەلتىرىپ، ەكولوگيالىق قاۋىپتەر جايلى ايتسا، ەكىنشىلەرى بۇل سالا ەلىمىز ءۇشىن قاجەتتى ءارى ەكولوگيالىق تازا ەنەرگيا كوزى ەكەندىگىن دالەلدەپ باقتى.
ناتيجەسىندە، قانداي كوزقاراس بولماسىن، شەشىمدى حالىق قابىلدايدى. بۇل رەفەرەندۋم - حالىقتىڭ تاڭداۋ ەركىندىگىن كورسەتەتىن ۇلكەن قادام. ەل ازاماتتارى بۇل جاۋاپكەرشىلىكتى سەزىنە وتىرىپ، ەل بولاشاعى ءۇشىن دۇرىس تاڭداۋ جاسايدى دەپ سەنەمىن. ءار داۋىس - ەلدىڭ ەرتەڭىنە، ۇرپاقتىڭ جارقىن بولاشاعىنا ۇلەس قوسۋ دەپ بىلەمىن.