اباتتاندىرۋ ناتيجەسىندە باۋم توعايىندا جاسىل جەلەك كولەمى ۇلعايادى
الماتىدا باۋم توعايىنىڭ اۋماعىن اباتتاندىرۋ جوباسى جۇزەگە اسىرىلىپ جاتىر، - دەپ حابارلايدى Aqshamnews.kz.
نەگىزگى ماقسات - ەرەكشە ەكوجۇيە رەتىندە قالىپتاسقان بۇل توعايدىڭ تابيعي كەلبەتىن بارىنشا ساقتاي وتىرىپ، قالا تۇرعىندارى ءۇشىن جايلى دەمالىس ايماعىن قالىپتاستىرۋ جانە جاسىل قوردى ساقتاۋ مەن كۇشەيتۋ.
قازاق ۇلتتىق اگرارلىق ۋنيۆەرسيتەتى مەن ق ر اۋىلشارۋاشىلىعى مينيسترلىگىنىڭ ورمان عىلىمي-يننوۆاسيالىق ينستيتۋتى جۇرگىزگەن تۇگەندەۋ ناتيجەلەرىنە سايكەس، توعاي اۋماعىندا 104 مىڭنان استام اعاش بار. ونىڭ ىشىندە 55%-ى – ساۋ، 23%-ى – السىرەگەن، 12%-ى – ءالسىز كۇيدە، 8%-ى – قۋراي باستاعان، ال قۋراپ كەتكەن جانە اپاتتى جاعدايداعى اعاشتار – شامامەن 1%. جالپى العاندا، اپاتتى جانە اۋرۋ اعاشتاردىڭ ۇلەسى 9%-دان اسادى.
وسىعان بايلانىستى توعايدا سانيتارلىق تازارتۋ جانە اعاشتارعا كۇتىم جاساۋ جۇمىستارى جۇرگىزىلۋدە. قۋراعان جانە اۋرۋ اعاشتاردى كەسۋ تەك ىرىكتەپ، ەكوجۇيەنى ساۋ كۇيىندە ساقتاۋ، اۋرۋلاردىڭ تارالۋىنا جول بەرمەۋ جانە ورنىقتى جاسىل قور قالىپتاستىرۋ ماقساتىندا جۇزەگە اسىرىلادى. باۋم توعايىندا جاسىل جەلەك كولەمى ۇلعايادى.
الماتىدا كەرىسىنشە، 2026 جىلى مىڭنان استام جاڭا اعاش وتىرعىزۋ جوسپارلانىپ وتىر. بۇل تابيعي شىعىننىڭ ورنىن تولتىرىپ قانا قويماي، جالپى جاسىل القاپتىڭ كولەمىن ارتتىرۋعا مۇمكىندىك بەرەدى.
الماتىدا باۋم توعايىنىڭ اۋماعىن اباتتاندىرۋ جوباسى جۇزەگە اسىرىلىپ جاتىر. جوبانى ىسكە اسىرۋ مەرزىمى - 2025 جىلدىڭ قىركۇيەگىنەن 2026 جىلدىڭ مامىرىنا دەيىن.
اباتتاندىرۋ بارىسىن باقىلاۋدى الماتى قالاسىنىڭ «قوعامدىق كەڭىستىكتەردى دامىتۋ باسقارماسى» كوممۋنالدىق مەملەكەتتىك مەكەمەسى، سونداي-اق اۆتورلىق جانە تەحنيكالىق قاداعالاۋ جۇزەگە اسىرادى. جۇمىس ەكولوگيالىق نورمالاردى قاتاڭ ساقتاي وتىرىپ جۇرگىزىلەدى – نىساننىڭ ەكولوگيالىق قاۋىپسىزدىگى مامانداردىڭ تۇراقتى باقىلاۋىندا.
دايىندىق جۇمىستارى بارىسىندا كەيبىر اعاشتاردىڭ قابىعى زاقىمدانعانى تىركەلگەن. الايدا بۇل جاعدايلار قايتىمدى سيپاتتا جانە توعايدىڭ ەكوجۇيەسىنە ءقاۋىپ توندىرمەيدى. زاقىمدانعان جەرلەر دەر كەزىندە دارىلەنىپ، ارنايى قورعاۋ قۇرالدارىمەن قالپىنا كەلتىرىلۋدە.
اباتتاندىرۋ كەزىندە ەكولوگيالىق تازا ماتەريالدار پايدالانىلادى، سەمەنت پەن بەتون بۇيىمدارى قولدانىلمايدى. جوبا اياسىندا تابيعي گراۆييلىجابىن توسەلىپ، حالىقارالىق ستاندارتتارعا سايەكولوگيالىق جۇرگىنشىلەر جولدارى سالىنادى. سونداي-اق، ەنەرگيا ۇنەمدەيتىن جارىقتاندىرۋ شامدارى، پوليسيا پۋنكتى مەن بەينەباقىلاۋ ورناتىلىپ، تۇرعىنداردىڭ قاۋىپسىزدىگى قامتاماسىز ەتىلەدى.
جوبا اشىق ديالوگ نەگىزىندە جۇزەگە اسىرىلۋدا. كوپشىلىك تۇرعىندار جۇرگىزىلىپ جاتقان جۇمىستاردى قولدايدى. سونىمەن قاتار، ەكولوگيالىق ۇيىمدار مەن بەلسەندى ازاماتتارمەن بىرنەشە رەت كەزدەسۋ وتكىزىلىپ، ولاردىڭ ۇسىنىسىمەن پىكىرى ەگجەي-تەگجەيلى قاراستىرىلدى.
بۇدان بولەك، قالا تۇرعىندارى اراسىنان قۇرىلعان باستاماشىل توپ باۋم توعايىنداعى اباتتاندىرۋ بارىسىن اپتالىق نەگىزدە باقىلاپ وتىرادى. مۇنداي ىنتىماقتاستىق فورماتى جۇمىستىڭ اشىقتىعىن قامتاماسىز ەتىپ، جوبانى جۇزەگە اسىرۋ بارىسىندا قالا تۇرعىندارىنىڭ پىكىرىن ەسكەرۋگە مۇمكىندىك بەرەدى.