باسقا اقپارات تەرگەۋ مۇددەسىنە وراي جاريالاۋعا جاتپايدى
باتىس قازاقستان وبلىسىنداعى تىكۇشاقتىڭ قاتتى ەكپىنمەن كەلىپ قونۋى وقيعاسىنا بايلانىستى تەرگەۋ باستالدى، دەپ حابارلايدى Almaty-akshamy.kz ىشكى ىستەر مينيسترلىگىنە سىلتەمە جاساپ.
ىشكى ىستەر مينيسترلىگى 23 اقپاندا بولعان وقيعا كولىكتەگى پوليسيا دەپارتامەنتىنىڭ سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە ق ر قىلمىستىق كودەكسىنىڭ 344-بابىنىڭ 3-بولىگى، ياعني ابايسىزدا ەكi نەمەسە ودان دا كوپ ادامنىڭ ءولiمiنە اكەپ سوققان اۋە كولiگi ءجۇرىسى نەمەسە ولاردى پايدالانۋ قاۋiپسiزدiگi قاعيدالارىن بۇزۋ بويىنشا تىركەلگەنىن حابارلادى.
«قازىرگى ۋاقىتتا ق ر باس كولىك پروكۋراتۋراسىنىڭ قاداعالاۋىمەن وسى ءىس بويىنشا ءتيىستى تەرگەۋ امالدارى جۇرگىزىلىپ جاتىر. باسقا اقپارات ق ر قىلمىستىق ءىس جۇرگىزۋ كودەكسىنىڭ 201-بابىنىڭ تالاپتارىنا سايكەس، تەرگەۋ مۇددەسىنە وراي جاريالاۋعا جاتپايدى»، - دەلىنگەن حابارلامادا.
ەسكە سالايىق، وقىس وقيعا ساعات 16:05-تە بولعان. «قازاۆياقۇتقارۋ» اق-عا تيەسىلى مي-8 تىكۇشاعى «قازترانسويل» اق-تىڭ ماگيسترالدى مۇناي قۇبىرلارى جەلىسىن جوسپارعا ساي كوكتەن شولىپ، اتىراۋعا كەرى ورالعاندا ورال اۋەجايىنان 54 شاقىرىم جەردە بار ەكپىنىمەن قونعان.