باتىس قازاقستان وبلىسىندا جايىق وزەنىندەگى سۋ دەڭگەيى اقجايىق اۋدانى تايپاق اۋىلى تۇسىندا 929 (ءقاۋىپتى شەگى – 850 سم) سانتيمەترگە جەتتى.
«قازگيدرومەت» رمك بقو فيليالىنىڭ 6 مامىر كۇنگى ساعات 08.00-دەگى مالىمەتىنە سايكەس اتالعان گيدروبەكەتتە سۋ دەڭگەيى ءبىر تاۋلىكتە 30 سانتيمەترگە كوتەرىلدى، دەپ حابارلايدى Almaty-akshamy.kz.
جايىق سۋى اقجايىق اۋدانىنىڭ اۋماعى ارقىلى اتىراۋعا قاراي ءوتىپ جاتىر.
ەسەسىنە جايىق وزەنىنىڭ باسقا گيدروبەكەتتەرىندە سۋ دەڭگەيى ءتۇسىپ كەلەدى. بايتەرەك اۋدانى يانۆارسيەۆ اۋىلىندا قازىرگى كەزدە 796 (-4، ءقاۋىپتى شەگى – 1 250 سم)، ورال قالاسىندا 786 (-6، 850 سم)، كوشىمدە 809 (-4، 850 سم) سانتيمەتردى كورسەتتى.
سونداي-اق، كوشىم كانالىندا 4 سانتيمەترگە (753 سم، ءقاۋىپتى شەگى – 800 سم) تومەندەدى.