باتىرحان شۇكەنوۆ اتىنداعى مەموريال اشىلادى

ەلوردادا تانىمال مۋزىكانت، كومپوزيتور جانە ءانشى باتىرحان شۇكەنوۆ اتىنداعى قوعامدىق كەڭىستىك اشىلادى

پرەزيدەنت ساياباعىنداعى باقىلاۋ الاڭىندا شىعارماشىلىق كەشتەر، ۆوركاۋتتار مەن كورمەلەرگە ارنالعان كەڭىستىك تۇرىندەگى مەموريال پايدا بولادى، دەپ حابارلايدى Almaty-akshamy.kz 24.kz-كە سىلتەمە جاساپ

بۇل تۋرالى نۇر-سۇلتان قالالىق اكىمدىگىنىڭ رەسمي سايتى ۋربانيستيكا ورتالىعىنىڭ باسشىسى ەلنار بازىكەنگە سىلتەمە جاساپ حابارلادى.

ەستەرىڭىزگە سالا كەتەيىك، جازدا باتىرحان شۇكەنوۆكە ەسكەرتكىش ورناتۋعا ارنالعان يدەيالار بايقاۋى جاريالانعان بولاتىن.

كوپتەگەن نۇسقالار قاراستىرىلدى. كەيىن نۇر-سۇلتان قالاسى اكىمدىگىنىڭ، قالالىق ۋربانيستيكا ورتالىعىنىڭ باتىرحان شۇكەنوۆ قورىمەن بىرلەسكەن جۇمىسىنىڭ ناتيجەسىندە ساياباق ايماعىندا شىعارماشىلىق كەڭىستىك تۇرىندە مەموريال جاساۋ تۋرالى شەشىم قابىلداندى. جوبا جەكە قاراجات ەسەبىنەن جۇزەگە اسىرىلادى.

«اۆتورلاردىڭ ويىنشا، بۇل - ولگا ۆەسەلوۆا، لادو لوميتاشۆيلي، اسەل ەسجانوۆا، ەگەر پاۆيلوندى جوعارىدان قارايتىن بولساق، بارلىعىنىڭ سۇيىكتى ورىنداۋشىسىنىڭ اتىن كورۋگە بولادى. تاقىرىپتىق الاڭدا سەرۋەندەپ، شىعارماشىلىققا ءبىر تابان جاقىنداۋعا بولادى»، - دەپ ءتۇسىندىردى ۋربانيستيكا ورتالىعىنىڭ باسشىسى ەلنار بازىكەن.

اتالعان الاڭدا پاۆيلوندار سالۋ جوسپارلانۋدا، وندا عىلىمي-تانىمال دارىستەر وتكىزىلەدى، پابليك-ارت بويىنشا جازعى مەكتەپ، كونسەرتتەر، تەاتر قويىلىمدارى، كوركەم پەرفورمانستار مەن قويىلىمدار جۇمىس ىستەيدى.

باتىرحان شۇكەنوۆ اتىنداعى مەموريالدى 2022 جىلى اشۋ جوسپارلانىپ وتىر. حالىقتىڭ سۇيىكتى ءانشىسى 2022 جىلدىڭ 18 مامىرىندا 60 جاسقا تولار ەدى.

ەلوردا اكىمى التاي كولگىنوۆتىڭ تاپسىرماسى بويىنشا سوڭعى جىلدارى 500-دەن استام اۋلا مەن قوعامدىق كەڭىستىكتەر (ساياباقتار، سكۆەرلەر، بۋلۆارلار) اباتتاندىرىلدى.