اكتەر، قازاقستاننىڭ ەڭبەك سىڭىرگەن قايراتكەرى، دارىن مەملەكەتتىك سىيلىعىنىڭ لاۋرەاتى بەكجان تۇرىس ءوز تاڭداۋىن جاسادى، دەپ حابارلايدى Almaty-akshamy.kz.
ول داۋىس بەرۋگە كەلگەندەردىڭ باسىم كوپشىلىگى جاستار ەكەندىگى قۋانتادى دەيدى.
«ءماجىلىس پەن ءماسليحات دەپۋتاتتىعىنا كەزەكتەن تىس سايلاۋدا شەت قالماي داۋىس بەردىم. بۇگىنگىدەي ساياسي ناۋقاننان قالىپ كەتپەي ءوز تاڭداۋىمىزدى جاساۋ ءاربىر قازاقستاندىقتىڭ مىندەتى. دەگەنمەن، سايلاۋعا بەيجاي قارايتىن ازاماتتار وزدەرى بەكىتىلگەن ۋچاسكەگە كەلىپ داۋىس بەرمەيدى دە، سوڭىنان سايلاۋ ءادىل وتپەدى دەپ شاعىمدانىپ جاتادى. سونداي كەلەڭسىز جايتتار ورىن الماس ءۇشىن ءاربىر ازامات ءوز داۋىسىن ۇرلاتپاۋى ءتيىس. ادىلەتتى قازاقستاندى ورناتۋدى ماقسات ەتسەك، وزىمىزدەن باستاۋمىز قاجەت. دەپۋتاتتىققا ۇمىتكەر بولىپ وتىرعان ازاماتتاردىڭ باسىم كوپشىلىگى جاستار ەكەندىگى قۋانتادى. ەلىمىزدىڭ وركەندەۋىنە سۇبەلى ۇلەس قوساتىن ازاماتتارىمىز سايلاۋدا جەڭىپ شىعۋىنا تىلەكتەسپىز»، - دەيدى بەكجان تۇرىس.