وسى ماقساتتارعا 24،8 ملرد تەڭگە ءبولىندى.
ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا الماتى اكىمى باقىتجان ساعىنتايەۆ حالىقتىڭ الەۋمەتتىك وسال توپتارىن قولداۋ شارالارى تۋرالى ايتتى دەپ حابارلايدى Almaty-akshamy.kz.
قولداۋدىڭ بارلىق شارالارىمەن 124 مىڭعا جۋىق الماتىلىق قامتىلعان. وسى ماقساتتارعا 24،8 ملرد تەڭگە ءبولىندى. 150 ورىندى وڭالتۋ ورتالىعىن، سونداي-اق تاۋلىگىنە 500 كەلۋشىنى قابىلدايتىن مۇمكىندىگى شەكتەۋلى جاندارعا ارنالعان سپورت كەشەنىن سالۋ جوسپارلانۋدا.
الەۋمەتتىك ءال-اۋقات باسقارماسىنىڭ بۇرىنعى عيماراتىن پسيحونيەۆرولوگيالىق پاتولوگياسى بار تۇلعالار ءۇشىن كوپبەيىندى وڭالتۋ ورتالىعى رەتىندە قايتا جاساۋ جوسپارلانعان.
كەلەر جىلى سابيلەر ءۇيىنىڭ بوس تۇرعان عيماراتىن تۋمىسىنان مۇگەدەك بالالارعا جاستايىنان قولداۋ ءۇشىن ورتالىعىنا رەكونسترۋكسيالاۋ باستالادى.
ەرەكشە قاجەتتىلىكتەگى بالالارعا جانە پسيحونيەۆرولوگيالىق پاتولوگياسى بار ءارى تىرەك-قيمىل اپپاراتى بۇزىلعان ەرەسەكتەر ءۇشىن الەۋمەتتىك قىزمەت كورسەتۋ ورتالىعىن قۇرۋدىڭ جوبالىق-سمەتالىق قۇجاتتاماسى ازىرلەنۋدە.
وتكەن جىلى الەۋمەتتىك از قامتىلعان وتباسىلاردىڭ بالالارى ءۇشىن «شىڭعا ورلەۋ» جوباسى ىسكە قوسىلدى. قالادا كلۋبتىڭ 10 فيليالى اشىلدى. بيىل ولاردا 1،2 مىڭنان استام بالا ءبىلىم الدى.
مۇمكىندىگى شەكتەۋلى جانداردى جۇمىسپەن قامتۋ ءۇشىن بىلتىردان باستاپ Ten Qogam الەۋمەتتىك قولداۋ ورتالىعى» جوباسى ىسكە استى. «باقىتتى وتباسى» ورتالىقتارى از قامتىلعان جانە كوپ بالالى وتباسىلارعا جان-جاقتى كومەك الۋدىڭ ءبىرىڭعاي الاڭىنا اينالدى. ءقازىر ولاردىڭ سانى 9-عا جەتتى. بيىلعى جىلى ورتالىقتاردىڭ قىزمەتىن 24 مىڭنان استام ادام پايدالاندى.
الماتىدا «بەلسەندى ۇزاق ءومىر» جوباسىنىڭ 9 ورتالىعى بار، ولاردا 23،4 مىڭنان استام زەينەتكەر تىركەلگەن.
ايەلدەر كاسىپكەرلىگىن دامىتۋدىڭ «ISKER ANA» باعدارلاماسى جۇزەگە اسىرىلۋدا. 2020 جىلدان باستاپ 776 ايەل تەگىن گرانت الىپ، جەكە بيزنەستەرىن اشتى.
جىل باسىنان بەرى «باقىتتى وتباسى» باعدارلاماسى بويىنشا تۇرعىن ءۇيدى جىلدىق 2% مولشەرلەمەمەن نەسيەگە ساتىپ الۋ مۇمكىندىكتەرى وتباسىلاردىڭ سانى 3،7 ەسەگە، ياعني 272-دەن 1010 وتباسىعا ءوستى. بۇلار – 463 كوپبالالى وتباسى، مۇگەدەك بالالاردى تاربيەلەپ وتىرعان 458 وتباسى، 89 تولىق ەمەس وتباسى.
باستاپقى تولەمدى جابۋ ءۇشىن جەرگىلىكتى بيۋدجەتتەن ءارقايسىسى 1 ميلليون تەڭگەدەن تۇراتىن تۇرعىن ءۇي سەرتيفيكاتتارىنا 2 ميلليارد تەڭگە ءبولىندى. ولاردى كوپبالالى وتباسىلار، مۇگەدەك بالالارى بار وتباسىلار، اتا-اناسىز قالعان جەتىم بالالار، سونداي-اق «باقىتتى وتباسى» جانە «شاڭىراق» باعدارلامالارى اياسىندا 1 جانە 2 توپ مۇگەدەكتەرى پايدالانا الادى.