باستاۋىش سىنىپقا ارنالعان اكادەميالىق پاندەردىڭ مازمۇنى قايتا قارالىپ جاتىر.
بۇل جايىندا سەنات دەپۋتاتتارىنىڭ ساۋالىنا بەرىلگەن ق ر پرەمەر-مينيسترىنىڭ ورىنباسارى ەرالى توعجانوۆتىڭ جاۋابىندا ايتىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ورتا ءبىلىم بەرۋ مازمۇنىن ەڭبەك نارىعىنىڭ تالاپتارىنا، پەداگوگيكا جانە پسيحولوگيا سالاسىنداعى جاڭالىقتارعا سايكەستەندىرۋ ءۇشىن ى.التىنسارين اتىنداعى ۇلتتىق ءبىلىم اكادەمياسىنىڭ بازاسىندا ارنايى جۇمىس توبى قۇرىلدى. جۇمىس توبى باستاۋىش سىنىپ وقۋشىلارىنىڭ پسيحوەموسيونالدىق جاعدايىن ەسكەرە وتىرىپ، اكادەميالىق پاندەردىڭ مازمۇنىن قايتا قاراۋ، جوعارى سىنىپ وقۋشىلارىن كاسىپتىك باعدارلاۋ، وقۋشىلاردىڭ دەربەستىگىن، الەۋمەتتىك داعدىلارى مەن شىعارماشىلىق قابىلەتتەرىن دامىتۋ، ينكليۋزيۆتى ءبىلىم بەرۋدىڭ قولجەتىمدىلىگىن ارتتىرۋ ماسەلەلەرىن پىسىقتايدى»، - دەدى ەرالى توعجانوۆ.
ۇكىمەت باسشىسىنىڭ ورىنباسارى جالپى ەلىمىزدىڭ رۋحاني قۇندىلىقتارىن ساقتاۋ جانە ولاردى مەكتەپ باعدارلاماسى، ادەبيەت، بۇقارالىق اقپارات قۇرالدارى ارقىلى دارىپتەۋ بويىنشا جۇيەلى جۇمىس جۇرگىزىلىپ جاتقانىن العا تارتادى.