باستاۋىش سىنىپ وقۋشىلارى تەگىن تاماقپەن قامتىلا ما؟

قىركۇيەكتىڭ 1-نەن باستاپ 1-4-سىنىپ وقۋشىلارى تەگىن تاماقپەن قامتىلادى، دەپ حابارلايدى Almaty-akshamy.kz.

مەملەكەت باسشىسىنىڭ تاپسىرماسى بويىنشا بيىل قىركۇيەكتىڭ 1-نەن باستاپ از قامتىلعان وتباسىلاردان شىققان 1،5 ميلليوننان استام وقۋشى، سونداي-اق الەۋمەتتىك مارتەبەسىنە قاراماستان باستاۋىش سىنىپ وقۋشىلارى ءۇشىن تەگىن تاماقتاندىرۋدى ۇيىمداستىرۋ جوسپارلانۋدا.

بۇل تۋرالى ق ر وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتىندە حابارلاعانداي، رەسپۋبليكا بويىنشا تەگىن تاماقتانۋ قۇنى ورتا ەسەپپەن 577 تەڭگەنى قۇرايدى، ەڭ جوعارى باعا الماتى قالاسىندا 800 تەڭگەنى قۇرايدى.

«وسىعان دەيىنگى جىلدارى 1-4 سىنىپ وقۋشىلارىن تەگىن تاماقپەن قامتۋ 56،6%-دى قۇرادى. بۇل استانا، الماتى جانە شىمكەنت قالالارىنىڭ، پاۆلودار، باتىس قازاقستان، قاراعاندى، ۇلىتاۋ، قىزىلوردا جانە اتىراۋ وبلىستارىنىڭ وقۋشىلارى. مەملەكەت باسشىسىنىڭ تاپسىرماسىن ورىنداۋ ماقساتىندا قالعان وڭىرلەردىڭ وقۋشىلارىن تەگىن تاماقپەن قامتاماسىز ەتۋ بويىنشا جۇمىستار جۇرگىزىلدى، وسىلايشا جاڭا وقۋ جىلىنان باستاپ 100% كورسەتكىشكە قول جەتكىزىلەتىن بولادى»، - دەپ ءبولىستى بالالاردىڭ قۇقىقتارىن قورعاۋ كوميتەتىنىڭ باسقارما باسشىسى دانا ماقتايەۆا.

ايتا كەتەيىك، بۇگىندە مينيسترلىك مەكتەپتەگى تاماقتانۋ ساپاسىن ارتتىرۋ ماسەلەسىن پىسىقتاپ جاتىر.