سۋ رەسۋرستارى جانە يرريگاسيا مينيسترلىگىنىڭ باسسەيندىك ينسپەكتورلارى سۋ پايدالانۋشىلاردىڭ سۋ زاڭناماسىنىڭ تالاپتارىن ساقتاۋى بويىنشا بارلىعى 40-قا جۋىق تەكسەرىس جۇرگىزدى.
ناتيجەسىندە جالپى سوماسى 8 ملن تەڭگەگە 208 اكىمشىلىك ايىپپۇل سالىندى. انىقتالعان بۇزۋشىلىقتاردى جويۋ بويىنشا 50 ۇيعارىم بەرىلدى، دەپ حابارلايدى Almaty-akshamy.kz cالا مينيسترلىگىنە سىلتەمە جاساپ.
«سۋ تۇتىنۋدى باقىلاۋدى كۇشەيتۋ ءۇشىن ءبىز باسسەيندىك ينسپەكسيا شتاتىن 1،5 ەسە ارتتىردىق. ولاردىڭ ماتەريالدىق-تەحنيكالىق بازاسى دا جاقسارتىلاتىن بولادى. سونىمەن قاتار، جاڭا سۋ كودەكسىندە باسسەيندىك ينسپەكسيالارعا قاداعالاۋ فۋنكسيالارىن بەرۋدى قاراستىردىق. ال، كاسىپكەرلىك كودەكس سۋ رەسۋرستارىن باسقارۋ ورگاندارى جەدەل دەن قويۋ شارالارىن قابىلداي الاتىن نورمالارمەن تولىقتىرىلادى»،– دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.