2024 جىلى مەگاپوليستە بەلسەندى جۇمىسپەن قامتۋ شارالارىمەن 38 253 ادامدى قامتۋ جوسپارلانۋدا.
قازىرگى ۋاقىتتا جۇمىسسىزدار رەتىندە ەڭبەك ۇتقىرلىعى ورتالىعىندا ەسەپتە 15 727 ادام تۇر، ولاردى تۇراقتى جۇمىس ورىندارىنا ورنالاستىرۋدى جوسپارلاپ وتىر، دەپ حابارلايدى Almaty-akshamy.kz.
بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسىنىڭ ەڭبەك ۇتقىرلىعى ورتالىعى ديرەكتورىنىڭ مىندەتىن ۋاقىتشا اتقارۋشى اسلانبەك قۋانىشوۆ مالىمدەدى.
«وسى كەزدە ورتالىققا 4 905 ادام جۇگىنىپ، 15 727 ادام جۇمىسسىز رەتىندە تىركەلدى، ونىڭ ىشىندە 13001 ادام وتكەن جىلدارى تىركەلگەن. 2024 جىلى بەلسەندى جۇمىسپەن قامتۋ شارالارىمەن 38 253 ادامدى قامتۋ جوسپارلانعان، 2023 جىلى جوسپار 43 004 ادامدى قۇرادى، شارالارمەن 52 928 ادام قامتىلدى، بۇل 123% قۇرادى»، - دەدى ا.قۋانىشوۆ.
وتكەن جىلعى مالىمەتتەرگە سايكەس، ەڭبەك ۇتقىرلىعى ورتالىعىنا 61 563 ادام جۇگىنگەن، ونىڭ ىشىندە 41 120 ادام جۇمىسسىز رەتىندە تىركەلگەن. ءار ءتۇرلى سەبەپتەرمەن 41 432 ادام جۇمىسسىز رەتىندە تىركەۋدەن شىعارىلدى.
اعىمداعى جىلى كاسىپتىك وقىتۋعا 950 ادامدى جىبەرۋ جوسپارلانۋدا، ونىڭ ىشىندە ءبىلىم بەرۋ ۇيىمدارىندا كاسىپتىك وقىتۋعا 740 ادام جىبەرىلەتىن بولادى. قالعان 210 ادام جۇمىس بەرۋشىلەردەن جۇمىس ورنىندا وقىتىلادى.
سونداي-اق، كاسىپكەرلىك قىزمەتكە جاردەمدەسۋ شارالارى جالعاسۋدا.
مەملەكەتتىڭ قولداۋىنا سەنەتىن 2000-عا جۋىق ادام كاسىپكەرلىك نەگىزدەرىنە وقىتۋعا جىبەرىلەتىن بولادى. 2023 جىلى 9 920 ادام وقۋدى باستادى، ونىڭ 7 390-ى وقۋدى اياقتادى، بۇل 74،5% قۇرايدى. وقۋدى اياقتاۋ قورىتىندىسى بويىنشا:
- گرانت الىپ، 4 909 ادام ءوز ءىسىن اشتى؛
- كاسىپكەر رەتىندە 114 ادام تىركەلدى؛
- 146 ادام جۇمىسقا ورنالاستى.
وقىتۋ ءراسىمى ونلاين فورماتتا وتەدى، ءبىلىم العىسى كەلەتىندەر business.enbek.kz پورتالىندا ءوز بەتىنشە تىركەلىپ، وقۋدان وتە الادى.
«جاڭا بيزنەس-يدەيالاردى ىسكە اسىرۋعا 358 وتەۋسىز گرانت بەرۋ جوسپارلانعان. 2023 جىلى بولىنگەن 3 اعىن بويىنشا 375 گرانت بەرىلدى، ونىڭ ىشىندە 374 ادام ءوز ءىسىن اشتى، 1ء-ۋى كەرى قايتارىلدى. 662 شاعىن نەسيە بەرۋ جوسپارلانعان. 2023 جىلى 253 ادام ءوتىنىش ءبىلدىرىپ، 201 جوبا ماقۇلداندى، 135 كاسىپكەر الدى»، - دەدى ا. قۋانىشوۆ.
نەسيە الۋ ءۇشىن الماتى قالاسى، مەدەۋ اۋدانى، ساتپايەۆ كوشەسى، 5ء-ۇي مەكەنجايى بويىنشا «اگرارلىق نەسيە كورپوراسياسىنا» جۇگىنۋ قاجەت.
بۇدان باسقا، ورتالىق سۋبسيديالاناتىن جۇمىس ورىندارىن ۇيىمداستىرادى. ماسەلەن، «قوعامدىق جۇمىستار» باعدارلاماسىمەن 2024 جىلى 6 932 ادامدى قامتۋ جوسپارلانۋدا. 2023 جىلى جوسپار بويىنشا 12 487 ادام، 13 241 ادام جىبەرىلدى، شارالار اياقتالعاننان كەيىن تۇراقتى ورىندارعا 8 474 ادام جۇمىسقا ورنالاستىرىلدى.
«الەۋمەتتىك جۇمىس ورىندارى» باعدارلاماسى بويىنشا 480 ادامدى جىبەرۋ جوسپارلانۋدا. 2023 جىلى جوسپار بويىنشا 980 ادام 985 ادام جىبەرىلدى، شارالار اياقتالعاننان كەيىن 799 ادام تۇراقتى ورىندارعا ورنالاستىرىلدى.
«جاستار تاجىريبەسىمەن» 882 ادامدى قامتۋ جوسپارلانۋدا. 2023 جىلى 899 ادام جولداندى، ونىڭ 665ء-ى جالعاستىرۋدا. شارانى 234 ادام اياقتادى، ونىڭ ىشىندە 103 ادام تۇراقتى ورىندارعا ورنالاستىرىلدى.
«ءبىرىنشى جۇمىس ورنى» جوباسى بويىنشا 2024 جىلى 400 ادامدى قامتۋ جوسپارلانعان، 2023 جىلى جوسپار بويىنشا 937 ادام، 413 ادام جىبەرىلدى، ونىڭ ىشىندە 310 ادام سول جۇمىستارىن جالعاستىرۋدا. شارانى 103 ادام اياقتادى، ونىڭ ىشىندە 37 ادام تۇراقتى ورىندارعا ورنالاستىرىلدى.
«ۇرپاقتار كەلىسىمشارتى» جوباسى بويىنشا 2024 جىلى 4 ادامدى قامتۋ جوسپارلانۋدا، 2023 جىلى 4 ادام جىبەرىلدى، ونىڭ ىشىندە 1 ادام تۇراقتى جۇمىسقا ورنالاستىرىلدى.
«كۇمىس جاس» جوباسى بويىنشا 2024 جىلى 400 ادام قامتىلادى، 2023 جىلى جوسپار بويىنشا 930 ادام 385 ادام جىبەرىلدى، ونىڭ 324ء-ى جالعاسۋدا. شارانى 61 ادام اياقتادى، ونىڭ ىشىندە 15 ادام تۇراقتى ورىندارعا ورنالاستىرىلدى.