الماتىدا 124 ازاماتقا جالعا بەرىلەتىن پاتەر كىلتى تابىستالدى.
الەۋمەتتىك قىزمەتتەر ءۇيى عيماراتىندا الماتىدا ءۇي كەزەگىندە تۇرعان 124 ازاماتقا جالعا بەرىلەتىن پاتەر كىلتى تابىستالدى، دەپ حابارلايدى aqshamnews.kz
باسپانالى بولۋ باقىتىنا يە بولعاندار قاتارىندا جەتىم بالالار، ءى، ءىى توپ مۇگەدەكتەرى، تولىق ەمەس جانە كوپبالالى وتباسى مۇشەلەرى، زەينەتكەرلەر مەن مۇگەدەك بالالاردى تاربيەلەپ وتىرعان اتا-انالار بار.
الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى عالىمجان ابدىشۇكىر ۇلى جۇرەكتەرى لۇپىلدەپ، پاتەر كىلتىن الۋعا كەلگەن تۇرعىنداردى قۇتتىقتاپ، ءۇيدى پايدالانۋ بويىنشا تەحنيكالىق قىزمەتكە قاتىستى ەرەجەنى ەگجەي-تەگجەيلى ءتۇسىندىرىپ بەردى. ول سونداي-اق، بەرىلەتىن پاتەرلەردىڭ جاي-كۇيىنە توقتالدى.
"ءقازىر تۇرعىندار كەلىسىمشارتقا قول قويعاننان كەيىن، ۇيلەرىنىڭ كىلتىن الادى. بەرىلەتىن پاتەرلەر دايىن تۇر. وندا جىلۋ، ىستىق-سۋىق سۋ، جارىق ءبارى قوسىلعان. كىرە بەرۋگە ياعني، قونىستانۋعا بولادى. ءبىراق، تۇرعىندار ۋاقىتشا ەلەكتر پليتالارىن قولدانۋعا تۋرا كەلەدى. ال گاز پاتەر يەلەرىنە 100% قونىستانعان سوڭ بەرىلەدى"، - دەدى عالىمجان ابدىشۇكىر ۇلى.
"ءبىر ساعات ەرتە كەلىپ الدىم. 9:00-دەن باستاپ وسىندا وتىرمىن. كوپ بالالى انا رەتىندە 2005 جىلدان بەرى پاتەر كەزەگىندە تۇردىم. وسى ءۇيدى كۇتكەنىمە 15 جىل بولدى. مىنە، 74 جاسقا كەلگەندە ماعان وسىنداي باسپانا باقىتى بۇيىرىپتى. قۋانىشىمدا شەك جوق. ءالى سەنە الار ەمەسپىن. بارلىعىڭا راحمەت"، – دەيدى الماتىلىق ايناگۇل ەركەشوۆا.
پاتەر كىلتىن الۋعا كەلگەن تۇرعىنداردىڭ اراسىندا ءوزىنىڭ ەموسياسىن جاسىرا الماي، ەرەكشە سەزىممەن اڭگىمە ايتىپ وتىرعان جاس كەلىنشەككە جاقىندادىق. ءوزىن سالتانات دەپ تانىستىرعان جاس انا بۇل پاتەردى 2014 جىلدان بەرى كۇتىپ ءجۇر ەكەن.
"بۇل پاتەردى كۇتكەنىمىزگە 10 جىل بولىپتى. ەندى ءبىزدىڭ ءوزىمىزدىڭ اس بولمەمىز، ءوزىمىزدىڭ كىر جۋاتىن ماشينامىز، تەليەۆيزورىمىز بولادى. ءدال ءقازىر جۇرەگىم جارىلارداي قۋانىپ تۇرمىن، كىلت العاندا جىلاپ تا قالۋىم مۇمكىن"، - دەيدى ەرەكشە كۇتىمدى قاجەت ەتەتىن بالانىڭ اناسى.
الماتى قالاسىنىڭ اكىمى ەربولات دوسايەۆتىڭ تاپسىرماسىمەن 2024 جىلى قالاداعى كوممۋنالدىق تۇرعىن ءۇي قورىنان 2000 جالدامالى پاتەر بولىنگەن بولاتىن. ءبىرىنشى جارتىجىلدىقتا ناۋرىزباي مەن مەدەۋ اۋداندارىندا 1080 وتباسى جالدامالى تۇرعىن ۇيدەن پاتەر يەلەندى. قاراشا ايىندا تاعى 920 الماتىلىققا كىلت تابىستالىپ، ولار ناۋرىزباي اۋدانىنداعى جاڭا پاتەرلەرگە قونىستانادى.
ماسەلەن، 1 قاراشادا پاتەر كەزەگىندە تۇرعان – 201 تۇرعىنعا، 5 قاراشادا – 200 تۇرعىنعا، 7 قاراشادا 175 قالا تۇرعىنىنا پاتەر كىلتتەرى تابىستالدى. ال بۇگىن 15 قاراشادا الەۋمەتتىك وسال توپقا جاتاتىن 124 الماتىلىق قونىس تويىن تويلاعالى وتىر.