دەپوزيتتە جيناقتاۋ مەرزىمى 3 جىلدان 6 جىلعا دەيىن ۇزارتىلدى.
ءبىرجولعى زەينەتاقى تولەمدەرىن پايدالانۋ قاعيدالارىنا وزگەرىستەر ەنگىزىلدى، - دەپ حابارلايدى Almaty-akshamy.kz
ق ر ونەركاسىپ جانە قۇرىلىس مينيسترلىگى 13 شىلدەدە قازاقستان رەسپۋبليكاسى يندۋستريا جانە ينفراقۇرىلىمدىق دامۋ ءمينيسترىنىڭ 2021 جىلعى 21 قاڭتارداعى № 24 بۇيرىعىمەن بەكىتىلگەن ءبىرجولعى زەينەتاقى تولەمدەرىن ءتۇرعىن-ۇي جاعدايلارىن جاقسارتۋ ءۇشىن پايدالانۋ قاعيدالارىنا وزگەرىستەر ەنگىزدى.
ەنگىزىلگەن وزگەرىستەرگە سايكەس، تۇرعىن ءۇي ساتىپ الۋ ماقساتىندا بۇرىن ءبىرجولعى زەينەتاقى تولەمدەرىمەن تولىقتىرىلعان "وتباسى بانك" اق دەپوزيتتەرىندە قاراجاتتى جيناقتاۋ مەرزىمى 3 جىلدان 6 جىلعا دەيىن ۇزارتىلدى. بۇدان بولەك، دەپوزيتتى ەرلى-زايىپتىلارعا جانە (نەمەسە) جاقىن تۋىستارىنا بەرۋ كوزدەلگەن، - دەلىنگەن حابارلامادا.
بۇل رەتتە مۇنداي سالىمدى ءۇشىنشى تۇلعالارعا ودان ءارى بەرۋگە جول بەرىلمەيدى. بۇيرىق رەسمي جاريالانعاننان كەيىن 10 كۇنتىزبەلىك كۇن وتكەن سوڭ كۇشىنە ەنەدى.