كييەۆتە قازاقستاندىق جۋرناليست ايدوس سادىقوۆقا قاستاندىق جاسالدى، دەپ حابارلايدى almaty-akshamy.kz
ۋكراينالىق باق-تاردا قازاقستاندىق جۋرناليست ايدوس سادىقوۆقا قاستاندىق جاسالعانى تۋرالى اقپارات تارالۋدا. «بايراكتار NEWS» تەلەگرام ارناسىنىڭ مالىمەتىنشە، سادىقوۆتىڭ جاعدايى اۋىر.
«الدىن الا بولجام بويىنشا، كييەۆتە ايدوس سادىقوۆقا قاستاندىق جاسالدى. ول - قازاقستاندىق جۋرناليست، «باسە» وپپوزيسيالىق ينتەرنەت پورتالىنىڭ باسشىسى. جاعدايى اۋىر»، - دەپ حابارلايدى تەلەگرام ارنا.
بۇعان دەيىن تەلەگرام ارنا كييەۆتىڭ شيەۆچەنسكيي اۋدانىندا اتىس بولعانىن جازعان بولاتىن. باسىلىمنىڭ مالىمەتىنشە، تۇراقتا تۇرعان كولىكتە ەر ادام ايەلىمەن وتىرعان. بەلگىسىز بىرەۋ كەلىپ، ەر ادامدى اتىپ جىبەرىپ، قاشىپ كەتكەن. ايەل ادام جاراقات الماعان.
جۋرناليست ناتاليا سادىقوۆانىڭ ايتۋىنشا، ايدوس سادىقوۆقا ءۇيىنىڭ ماڭىندا قاستاندىق جاسالعان.
ايتا كەتەيىك، ايدوس سادىقوۆ ۋكراينادا رەسمي بوسقىن مارتەبەسىن العان. 2023 جىلدىڭ قازان ايىندا سادىقوۆقا قازاقستاندا «الەۋمەتتىك، ۇلتتىق، رۋلىق، تەكتىك-توپتىق نەمەسە ءدىني الاۋىزدىقتى قوزدىرعانى» ءۇشىن ىزدەۋ جاريالانعان بولاتىن.