نازار اۋدارعان ءجون
بۇگىن وسك-دا قازاقستان رەسپۋبليكاسى پارلامەنتى سەناتى دەپۋتاتتارىنىڭ سايلاۋ الدىنداعى ۇگىتىن وتكىزۋ كەزىندە رەسپۋبليكادا COVID-19 كوروناۆيرۋستىق ينفەكسياسىنىڭ، تۇماۋدىڭ جانە جرۆي تارالۋىنىڭ الدىن الۋ شارالارى مەن ەپيدەميولوگيالىق جاعداي ماسەلەلەر بويىنشا وتىرىس ءوتتى، دەپ حابارلايدى Almaty-akshamy.kz ءىnform.kz-كە سىلتەمە جاساپ.
«رەسپۋبليكادا كوروناۆيرۋس بويىنشا ەپيدەميولوگيالىق جاعداي تۇراقتى. ەپيدەميولوگيالىق جاعدايدى باعالاۋ ماتريساسىنا سايكەس رەسپۋبليكا جانە بارلىق وڭىرلەر جاسىل ايماقتا ورنالاسقان. تاۋلىگىنە COVID-19 بويىنشا پتر وڭ ناتيجەلى 300-گە دەيىن جاعدايى جانە پتر تەرىس ناتيجەلى 40-قا دەيىن جاعدايى تىركەلەدى، ناۋقاستاردىڭ 99% ساۋىعىپ كەتتى»، - دەپ حابارلادى وتىرىس بارىسىندا ق ر دەنساۋلىق ساقتاۋ ۆيسە-مينيسترى - باس مەملەكەتتىك سانيتار دارىگەرى «ايجان ەسماعامبەتوۆا.
«سوڭعى اپتادا وتكەن اپتامەن سالىستىرعاندا سىرقاتتانۋ 3%-عا ءوستى»، - دەپ اتاپ ءوتتى ول.
سونىمەن قاتار، ونىڭ ايتۋىنشا، 12 وڭىردە (استانا، الماتى قالالارى، اقمولا، اقتوبە، شقو، اباي، بقو، قاراعاندى، ۇلىتاۋ، قوستاناي، قىزىلوردا، ماڭعىستاۋ وبلىستارى) R كورسەتكىشى بىرلىكتەن جوعارى، بۇل ينفەكسيانىڭ تارالۋىنىڭ وسكەنىن كورسەتەدى.
وسىعان بايلانىستى ا.ەسماعامبەتوۆا R كورسەتكىشىن 1-دەن جوعارى تىركەۋ كەزىندە بمسدق-عا سايكەس حالىق كوپ جينالاتىن جەرلەردە بەتپەردە تاعۋ ۇسىنىلاتىنىن ەسكە سالدى.
قازىرگى ۋاقىتتا جرۆي جانە تۇماۋدىڭ ماۋسىمدىق ءوسىمى بايقالادى، وسىلايشا، وتكەن جىلدىڭ وسى كەزەڭىمەن سالىستىرعاندا سىرقاتتانۋ 20% ءوستى.
رەسپۋبليكاداعى كوروناۆيرۋستىق ينفەكسيا بويىنشا اعىمداعى جاعدايدى، سونداي-اق جرۆي جانە تۇماۋمەن سىرقاتتانۋ بويىنشا ەپيدەميولوگيالىق ماۋسىمنىڭ بارىسىن ەسكەرە وتىرىپ، سايلاۋالدى جاريا ءىس-شارالار مەن سايلاۋشىلارمەن كەزدەسۋ وتكىزۋ كەزىندە ا. ەسماعامبەتوۆا مىناداي قاعيدالاردى ۇستانۋدى ۇسىندى:
1) حالىقتىڭ توپتالۋىن بولدىرماۋ ءۇشىن كەڭ ءۇي-جايلاردى پايدالانۋ؛
2) ءۇي-جايلاردا جەلدەتۋ/اۋانى باپتاۋ جۇيەسىنىڭ ۇزدىكسىز جۇمىس ىستەۋى؛
3) اۋانى جاساندى جەلدەتۋ جۇيەسى بولماعان جاعدايدا ءىس-شارا باستالار الدىندا ءۇي-جايدى جەلدەتۋدى جۇرگىزۋ؛
4) سايلاۋشىلارمەن كەزدەسۋ وتكىزۋ كەزىندە بەتپەردە رەجيمىن ساقتاۋ.