قازاقستان رەسپۋبليكاسى باس پروكۋرورىنىڭ بۇيرىعىمەن باس پروكۋرور اپپاراتىنىڭ باسشىسى قىزمەتىنە مۇحامەتجانوۆ الماز ورال ۇلى تاعايىندالدى، دەپ حابارلايدى Almaty-akshamy.kz باس پروكۋراتۋرانىڭ باسپا ءسوز قىزمەتىنە سىلتەمە جاساپ.
الماز مۇحامەتجانوۆ 1972 جىلى دۇنيەگە كەلگەن.
ەڭبەك جولىن 1994 جىلى باستاپ، قاراعاندى قالاسى سوۆەت اۋدانى پروكۋرورىنىڭ كومەكشىسى، پروكۋراتۋرانىڭ تەرگەۋشىسى، قاراعاندى وبلىسى پروكۋراتۋراسىنىڭ الەۋمەتتىك-ەكونوميكالىق سالاداعى زاڭدىلىقتى قاداعالاۋ ءبولىمىنىڭ پروكۋرورى قىزمەتتەرىن اتقارعان.
باس پروكۋراتۋرادا 1998 جىلدان باستاپ جۇمىس ىستەگەن، استانا قالاسى بويىنشا قساو باسشىسى، باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى ءتوراعاسىنىڭ ورىنباسارى، باس پروكۋراتۋرانىڭ حالىقارالىق قاتىناستار دەپارتامەنتى باستىعىنىڭ ورىنباسارى، باس پروكۋرور اپپاراتىنىڭ ۇيىمداستىرۋ – باقىلاۋ جۇمىسى ءبولىمىنىڭ باستىعى قىزمەتتەرىن اتقاردى.
2009 جىلدىڭ ساۋىرىنەن 2012 جىلدىڭ اقپانىنا دەيىن ادىلەت مينيسترلىگىنىڭ نقا تىركەۋ دەپارتامەنتىنىڭ ديرەكتورى بولىپ جۇمىس ىستەدى.
2012 جىلدان باستاپ قازىرگى تاڭعا دەيىن قازاقستان رەسپۋبليكاسى باس پروكۋراتۋراسىنىڭ نورماشىعارماشىلىق قىزمەتتى ۇيلەستىرۋ باسقارماسىنىڭ، سوسىن دەپارتامەنتىنىڭ باستىعى لاۋازىمدارىن اتقارىپ كەلدى.
«ەرەن ەڭبەگى ءۇشىن» مەدالى جانە «قۇرمەت» وردەنىمەن ماراپاتتالعان، پروكۋراتۋرا ورگاندىنىڭ قۇرمەتتى قىزمەتكەرى.
باس پروكۋراتۋرانىڭ نورماشىعارماشىلىق قىزمەتتى ۇيلەستىرۋ دەپارتامەنتىنىڭ باستىعى بولىپ 1976 جىلى تۋعان البينا تاسبولات قىزى ماۋتوۆا تاعايىندالدى.
1997 جىلى ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن بىتىرگەننەن كەيىن، ەڭبەك جولىن جوعارىدا اتالعان ۋنيۆەرسيتەتتە وقىتۋشى بولىپ باستاعان.
پروكۋراتۋرا ورگاندارىندا 1998 جىلدان باستاپ قىزمەت ەتەدى. رەتىمەن رۋدنىي قالاسى پروكۋرورىنىڭ كومەكشىسى، اعا كومەكشىسى، باس پروكۋراتۋرانىڭ جەدەل-ىزدەستىرۋ قىزمەتىنىڭ زاڭدىلىعىن قاداعالاۋ دەپارتامەنتىنىڭ پروكۋرورى، اعا پروكۋرورى، باس پروكۋروردىڭ كومەكشىسى، اعا كومەكشىسى قىزمەتتەرىن اتقاردى.
2019 جىلدىڭ ناۋرىز ايىنان باستاپ قازىرگى ۋاقىتقا باسقارما باستىعىنىڭ ورىنباسارى، ودان كەيىن 2020 جىلدان باستاپ باس پروكۋراتۋرانىڭ نورماشىعارماشىلىق قىزمەتتى ۇيلەستىرۋ دەپارتامەنتى باستىعىنىڭ ورىنباسارى لاۋازىمدارىن اتقاردى.
«جاۋىنگەرلىك ەرلىگى ءۇشىن» مەدالىمەن ماراپاتتالعان، پروكۋراتۋرا ورگاندىنىڭ قۇرمەتتى قىزمەتكەرى.