ەكىباستۇزداعى جاعداي قايتالانباۋ ءۇشىن ۋاكىلەتتى ورگانداردىڭ ارالاسۋى قاجەت.
باس پروكۋراتۋرا قازاقستانداعى جىلۋ ەلەكتر ستانسيالارىن تەكسەرەتىندەرىن ايتتى، دەپ حابارلايدى Almaty-akshamy.kz
«ءبىز جەس ماسەلەلەرى بويىنشا تەكسەرۋ جۇرگىزۋدى جوسپارلاپ وتىرمىز، ءبىراق ءقازىر جىلۋ بەرۋ كەزەڭى ەكەنىن ەسكەرە وتىرىپ، بارلىق جەو-دا تەكسەرۋ جۇرگىزۋ مۇمكىن ەمەس. كەيبىر تەكسەرۋلەر وسى جەو-نىڭ قالىپتى جۇمىسىنا كەدەرگى كەلتىرۋى مۇمكىن ەكەنىن تۇسىنەمىز. سوندىقتان ءبىز تەكسەرۋ مۇمكىندىگى بار جەس-تەردى قامتيتىن بولامىز. ەكىباستۇزدا ورىن العان ىستەر قايتالانباۋى ءۇشىن، پروكۋراتۋرانىڭ، ۋاكىلەتتى ورگانداردىڭ ارالاسۋى قاجەت بولىپ وتىر. قازىرگى ۋاقىتتا ريددەر قالاسىنداعى جىلۋ ەلەكتر ورتالىعىنىڭ جۇمىسىنا تەكسەرۋ جۇرگىزىلىپ جاتىر. سونىمەن قاتار، ەكىباستۇز قالاسىنىڭ جىلۋ شارۋاشىلىعىنا تەكسەرۋ جۇرگىزىلىپ، ناتيجەسىندە قىلمىستىق ءىس قوزعالدى. قالعان جەو-لاردى دا مىندەتتى تۇردە تەكسەرەتىن بولامىز»، - دەدى باس پروكۋروردىڭ ورىنباسارى جاندوس ومىرالييەۆ.
سونداي-اق، باس پروكۋراتۋرا وكىلدەرىنەن ريددەردەگى جىلۋ ەلەكتر ورتالىعىنىڭ جۇمىسىنداعى زاڭ بۇزۋشىلىقتار تۋرالى سۇرالدى.
«ريددەردەگى جاعداي بويىنشا تەكسەرۋلەر جالعاسىپ جاتىر. توتەنشە جاعدايلار، ونەركاسىپتىك قاۋىپسىزدىك، جەو قالىپتى جۇمىس ىستەۋى ءۇشىن بەلگىلەنگەن باسقا دا تالاپتار بويىنشا كوپتەگەن زاڭ بۇزۋشىلىقتار انىقتالدى. سونداي-اق، سايكەستىككە تەكسەرۋ جوسپارلانعان. ينۆەستيسيالىق تاريفتەرمەن، ينۆەستيسيالىق سومالار، بۇكىل تاريف قايدا جۇمسالدى، باسقا ماقساتتاردا جۇمسالىپ كەتپەدى مە تەكسەرەمىز. ءقازىر بۇل تەكسەرۋلەردى شىعىس قازاقستان وبلىسىنىڭ پروكۋرورلارى جۇرگىزىپ جاتىر»، - دەپ تولىقتىردى ول.