باس ءمۇفتي ناۋرىزباي تاعان ۇلى قازاقستاندىقتاردى شاراپاتى مول شاعبان ايىنىڭ كەلۋىمەن قۇتتىقتادى،-دپ حابارلايدى almaty-akshamy.kz قمدب سايتىنا سىلتىمە جاساپ.
ءقادىرلى جاماعات! بارشاڭىزدى شاراپاتى مول شاعبان ايىنىڭ كەلۋىمەن شىن جۇرەكتەن قۇتتىقتايمىن!،
قاسيەتتى رامازان ايىنىڭ كەلگەنىن سۇيىنشىلەيتىن شاعباندا ءار شاڭىراققا شاتتىق، باقىت پەن بەرەكە تىلەيمىن. اللا تاعالا وسى ايدا جاسايتىن دۇعا-تىلەكتەرىمىزدى، قۇلشىلىق-عيباداتتارىمىزدى قابىل ەتكەي!
ارداقتى پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ءوز ۇمبەتىنە شاعبان ايى كىرگەندە تازالانىپ، نيەتىمىزدى دۇرىستاۋدى وسيەت ەتكەن.
اللا ەلشىسىنىڭ تاعى ءبىر حاديس-شاريفىندە ايتىلعانداي، شاعبان ايىندا جاسالعان دۇعا كەرى قايتارىلمايدى. ەندەشە، شاراپاتى مول شاعبان ايىندا شىنايى نيەتپەن حالقىمىزدىڭ اماندىعىن سۇراپ، كوپ دۇعا جاسايىق. قۇرمەتتى جاماعات! ىزگى عۇلامالاردىڭ ءبىرى «ەرەجەپ – جەلگە، شاعبان – بۇلتقا، رامازان جاڭبىرعا ۇقسايدى. ەرەجەپ ايىندا ءدان ەگىلمەسە، شاعباندا سۋارىلماسا، رامازاندا قانداي ەگىن كۇتۋگە بولادى» دەگەن.
وسى ايدا نيەتىمىزدى تۇزەپ، ءناپىل ورازا ۇستاپ، مۇمكىندىگىنشە تازالانىپ، دۇعا جاساپ ءوزىمىزدى قورعايىق. قۇران وقىپ، قينالعان جاندارعا، ناۋقاستارعا، قيىندىققا تاپ بولعان مۇسىلماندارعا اللادان جەڭىلدىك، شيپا تىلەيىك. ويتكەنى، «قۇران وقۋ – كوڭىلدىڭ شيپاسى» (حاديس).
اللا تاعالا ەلىمىزگە اماندىق، جەرىمىزگە تىنىشتىق، حالقىمىزعا بەرەكە ءناسىپ ەتكەي! ەل ىرگەسىن بەرىك ەتىپ، شاعباننىڭ شاراپاتىنا بولەنۋدى جازعاي!
راببىم، ەرەجەپتى امان-ەسەن اياقتادىق، ەندى شاعبان ايىن دا بەرەكەلى ەتە گور! ءبىزدى رامازانعا امان-ەسەن جەتكىزە گور! ءامين!،-دەدى باس ءمۇفتي ناۋرىزباي تاعان ۇلى