باس ءمۇفتي 70 يمامعا ەكى اپتالىق ونلاين كۋرس وتكىزگەن ءال-ازھار ۇستازدارىنا العىسىن ءبىلدىردى.
قمدب ءتوراعاسى ناۋرىزباي قاجى تاعان ۇلى جانە مىسىر اراب رەسپۋبليكاسىنىڭ ۋاقىپ ءمينيسترى مۇحتار جۇما ەلورداداعى رەسپۋبليكالىق باس مەشىتتە ءدىني ەكسترەميزمگە قارسى بىلىكتىلىكتى ارتتىرۋعا ارنالعان كۋرسقا قاتىسۋشى يمامدارمەن جۇزدەستى، دەپ حابارلايدى Almaty-akshamy.kz
باس ءمۇفتي 70 يمامعا ەكى اپتالىق ونلاين كۋرس وتكىزگەن ءال-ازھار ۇستازدارىنا جانە دارىستەردى وتكىزۋگە ۇيىتقى بولعان ۋاقىپ مينيسترلىگىنە العىسىن ءبىلدىردى.
ءوز كەزەگىندە مىسىر اراب رەسپۋبليكاسىنىڭ ۋاقىپ ءمينيسترى مۇحتار جۇما يمامداردىڭ ءبىلىمىن جەتىلدىرۋ ماقساتىندا وسىنداي يگى ءىس-شارالارعا قولداۋ بىلدىرۋگە ءارقاشان دايىن ەكەنىن ايتىپ، بىلىكتىلىكتى ارتتىرۋ كۋرستارى الداعى ۋاقىتتا دا جالعاساتىنىن جەتكىزدى.