دۇعا تىلەۋ ءراسىمى يندونەزيانىڭ سۋرابايا قالاسىندا ءوتتى.
«يسلام فيقھى جاھاندىق وركەنيەت ءۇشىن» ءبىرىنشى حالىقارالىق كونفەرەنسياسىندا تۇركيا مەن سيرياداعى ءزىلزالادان قايتىس بولعانداردىڭ رۋحىنا جانە الەمدەگى بەيبىتشىلىك پەن تىنىشتىق ءۇشىن ءبىر مەزەتتە 300-دەن اسا عالىم مەن ءدىن قايراتكەرى دۇعا جاسادى، دەپ حابارلايدى Almaty-akshamy.kz مuftyat.kz-كە سىلتەمە جاساپ.
سونداي-اق باس ءمۇفتي ناۋرىزباي قاجى تاعان ۇلى ءدىني باسقارما ۇجىمىمەن بىرگە سۋرابايا قالاسىنداعى ءزاۋلىم مەشىتتەردىڭ ءبىرى «Masjid Nasional Al Akbar»-عا زيارات ەتىپ، اللا تاعالادان تۇركيا مەن سيريا جۇرتىنىڭ اماندىعى ءۇشىن ارنايى دۇعا تىلەدى.
«ۋا، راببىم، الەم حالقىنا اماندىعىڭدى بەر، مۇسىلماندارعا تىنىشتىق، بەرەكەڭدى بەر. تۇركيا حالقى مەن سيريا جۇرتىنا ءوزىڭ جار بولا كور. قيىندىقتا قالعان باۋىرلارىمىزدى ءوزىڭ قۇتقار، راببىم! قازاق حالقىنا دا تىنىشتىق، بەرەكە ءناسىپ ەت»، - دەپ دۇعا جاسادى باس ءمۇفتي.