بۇل تۋرالى ءماجىلىس دەپۋتاتتارىنىڭ ساۋالىنا باس پروكۋرور بەرىك اسىلوۆتىڭ جاۋابىندا ايتىلعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وسى جىلدىڭ قاڭتارىنان باستاپ قارجى مينيسترلىگىنىڭ ىشكى مەملەكەتتىك اۋديت كوميتەتى «قازاقستان تەمىر جولى» ۇك» اق پەن ونىڭ ەنشىلەس ۇيىمدارىندا («جولاۋشىلار تاسىمالى» اق، «قازتەمىرترانس» اق، «كەدەنترانسسەرۆيس» اق، «قتج-جۇك تاسىمالى» ج ش س) اۋديتورلىق تەكسەرۋلەر تاعايىنداعان. وسى ءىس-شارا بارىسىندا مەملەكەتتىك جانە كۆازيمەملەكەتتىك سەكتور اكتيۆتەرىن پايدالانۋ (ونىڭ ىشىندە مەملەكەتتىك مۇلىك تۋرالى زاڭناماسىن ساقتاۋ) ماسەلەلەرى قامتىلادى»، - دەدى باس پروكۋرور جاۋابىندا.
سونىمەن قاتار ونىڭ دەرەگىنشە، ءقازىر باس كولىك پروكۋراتۋراسى «قازتەمىرترانس» اق-نىڭ قىزمەتىنە تەكسەرۋ جۇرگىزىپ جاتىر.
«وسى تەكسەرۋ قارجىلىق جانە وزگە دە اكتيۆتەرمەن بيلىك ەتۋ كەزىندە ءتيىمدى جانە نىسانالى پايدالانۋ قاعيداتتارىنىڭ ساقتالۋىن، ونىڭ ىشىندە قوعاممەن ۆاگونداردى بەرۋدىڭ نەگىزدىلىگىن جانە باسقا دا سۇراقتاردى قامتىپ وتىر»، - دەدى بەرىك اسىلوۆ.