الماس قوداسبايەۆ، قالالىق ءماسليحاتتىڭ دەپۋتاتى:
– استانا كۇنى – ەلدىگىمىزدى ۇلىقتايتىن ايتۋلى مەرەكەنىڭ ءبىرى. ەلىمىزدەگى ءمانى زور، ماڭىزى ايرىقشا مەيرام.
باس قالامىز، ءسوزسىز، تاۋەلسىزدىگىمىزدىڭ تىرەگىنە، ەكونوميكامىزدىڭ جۇرەگىنە اينالدى. بۇل كۇندە نۇر-سۇلتان تەك ەلوردالىقتاردىڭ عانا ەمەس، بارشا قازاقستاندىقتاردىڭ ماقتانىشى، بوستاندىعىنىڭ بەلگىسى، سۇيىكتى قالاسى، بولاشاققا دەگەن نىق سەنىمى مەن ۇلتارالىق كەلىسىمنىڭ نىشانى بولدى.
نۇر-سۇلتان قالاسى قازاقستاننىڭ بەت پەردەسى ىسپەتتى. سول سەبەپتى استانامىزدىڭ وركەندەۋىن قازاقستاننىڭ وركەندەۋى دەپ بىلگەن ءجون. ءۇشىنشى ون جىلدىققا قادام باسقان نۇر-سۇلتان شاھارى كوپ جەتىستىككە قول جەتكىزدى، كوپتەگەن مەملەكەتتىك جانە حالىقارالىق ماڭىزى بار وقيعالاردىڭ كۋاسى بولدى. ەلباسىنىڭ قولتاڭباسى بار جارقىن قالا الەمدەگى وزىندىك ورنى بار، بىرەگەي ساۋلەتىمەن ەرەكشەلەنەتىن مەگاپوليسكە اينالدى.
استانا كۇنى قارساڭىندا باس قالا كوركەيىپ گۇلدەنە بەرسىن، جاساي بەرسىن، جاڭارا بەرسىن دەپ تىلەيمىن