ادىلەتتى قازاقستاندى بولاشاق ۇرپاققا امانات ەتۋ – بارشامىزعا ورتاق مىندەت. بۇل تۋرالى پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالاپ جاتقان مەملەكەت باسشىسى قاسىم-جومارت توقايەۆ ايتتى.
«ءبىز قيىندىقتارعا مويىماي، بارلىق ماسەلەنى بىرتىندەپ، بايىپپەن شەشۋىمىز كەرەك. مۇنىڭ ءبارى حالىقتىڭ تۇرمىس-تىرشىلىگىنە عانا ەمەس، قازىرگى بۇلىڭعىر زامانداعى ەلىمىزدىڭ تاعدىرىنا دا تىكەلەي اسەر ەتەدى. ءبىزدىڭ ۇزاق مەرزىمگە ارنالعان دامۋ جولىمىز – ايقىن. بيىك ماقساتتارىمىز بار. وعان جەتۋ ءۇشىن، ەڭ الدىمەن، ەل بىرلىگىن ساقتاي ءبىلۋىمىز كەرەك. بىر-بىرىمىزگە قولداۋ ءبىلدىرىپ، قۇرمەت كورسەتۋىمىز قاجەت. ءبىز – بەرەكەلى بىرلىكتىڭ ارقاسىندا ءتۇرلى سىناقتان سۇرىنبەي وتكەن حالىقپىز. الداعى ۋاقىتتا دا سولاي بولماق. ءبارىمىز ءبىر ەل بولىپ، ادىلەتتى جانە دامىعان قازاقستاندى بىرگە قۇرايىق. سوندا اركىم ءوز ەلىنىڭ كىرپىشى بولىپ قالانىپ، ارمان-مۇراتىنا جەتە الادى»، - دەدى قاسىم-جومارت توقايەۆ.
مەملەكەت باسشىسى ءار ادامعا جانە بارشاعا بىردەي مۇمكىندىك بەرەتىن مەملەكەتتى، ياعني ادىلەتتى قازاقستاندى بولاشاق ۇرپاققا امانات ەتۋ – بارشامىزعا ورتاق مىندەت ەكەندىگىن باسا ايتتى.
“مەن مەملەكەت باسشىسى رەتىندە وسى مىندەتتى ورىنداۋعا بار كۇش-جىگەرىمدى سالامىن. سىزدەر دە ورتاق ماقساتقا جەتۋ ءۇشىن تاباندى ەڭبەك ەتەسىزدەر دەپ سەنەمىن. قاستەرلى وتانىمىز – قازاقستان وركەندەي بەرسىن! حالقىمىز امان بولسىن!»، - دەپ اياقتالى ءسوزىن پرەزيدەنت.