رەفەرەندۋمدا داۋىس سانى 50 پايىزدان ارتىق بولسا، وندا حالىقتىڭ باسىم كوپشىلىگى اەس قۇرىلىسىن قولدايدى دەگەن ءسوز. مۇنداي پىكىردى پرەزيدەنت جولداۋىنان كەيىن ءماجىلىس دەپۋتاتى ەرلان سايروۆ ءبىلدىردى.
«بىزدە – دەموكراتيا. سوندىقتان ءبىر جىلدىڭ ىشىندە جان-جاقتى تالقىلاندى. دەموكراتيا بولعاندىقتان، جاقتاۋشىلار دا، قارسىلىق تانىتۋشىلار دا بولادى. مەنىڭشە، اەس قازاقستانعا قاجەت. ويتكەنى، ەكونوميكا دامىپ كەلە جاتىر. ەكونوميكا دامىعانمەن وعان جەتكىلىكتى ەنەرگيا كوزدەرى جوق. ەلەكتر ەنەرگياسىن رەسەيدەن يمپورتتاپ وتىرمىز. مۇنىڭ ۇستىنە يمپورت قىمباتقا تۇسەدى. ال ازاماتتاردىڭ داۋىسىنىڭ ەستىلگەنى نە ەستىلمەگەنى الداعى 6 قازاندا بەلگىلى بولادى. ەگەر رەفەرەندۋمدا داۋىس سانى 50 پايىزدان ارتىق بولسا، وندا حالىقتىڭ باسىم كوپشىلىگى اەس قۇرىلىسىن قولدايدى دەگەن ءسوز»، - دەدى ەرلان سايروۆ.