ءبارى ءوز قولىڭىزدا! ءاربىر ادام ءوزىن-وزى قالىپتاستىرادى. تۇلعا رەتىندە دە، جاي قاراپايىم ادام بولا ما، ول وزىنە بايلانىستى.
جاستايىنان ەڭبەكقور، تالابى مىقتى بولسا، قامال الارى انىق. حالقىمىز «جاس كۇنىڭدە جارقىلدا، وتىزىڭدا وردا بۇز، قىرقىڭدا قامال ال» دەيدى. مۇنىڭ تۇپكى ماعىناسى بىرەۋ عانا – «ماقساتتى جان بول» دەگەندى بىلدىرەدى. بۇعان جەتۋ ءۇشىن ءبىرقاتار قاعيداتتارعا زەر سالعان ءجون.
سىرت كەلبەتتى تۇزەۋ. ەل اراسىندا «كيىمىڭە قاراپ قارسى الىپ، سوزىڭە قاراپ شىعارىپ سالادى» دەيدى. وتە استارلى ءسوز. تۇسىنە بىلگەن جان بۇدان ناتيجە شىعارۋعا تىرىسادى. كيىم – ادامنىڭ كوركى. سوندىقتان مەيلىنشە تازا، وزىڭىزگە جاراسىمدى كيىنىڭىز. تىم كەڭ نەمەسە تىم تار بولماسىن. باستىسى، ىڭعايلى ءارى ءجۇرىپ-تۇرعاندا قولايلى بولسا، جاراسىم دەگەن سول. ءبىراق اركىمنىڭ تاڭداۋى ءارتۇرلى. تالعامعا تالاس جوقتىعىن تاعى ايتا كەتۋدى ءجون سانايمىز.
ءسوز بەن ءىس قابىسسىن. الگىندە ءسوزدىڭ قۇدىرەتى تۋرالى از-كەم وي تاستادىق. بۇرىنعىلار «ءتىل تاس جارادى، تاس جارماسا، باس جارادى» دەگەن ناقىل قالدىرعان. قاي داۋىردە بولسا دا، ايتىلار ويدىڭ ورنى بولەك. سوندىقتان قۇر ءسوز ەمەس كەز كەلگەن ورتادا ىسپەن دالەلدەۋ بەدەلدى ارتتىرادى. نەعۇرلىم ساپالى ءارى نىق ەتىپ ورىنداڭىز. سونىمەن قاتار، ويدى اشىق ءھام دالەلدى ەتىپ جەتكىزىڭىز. بۇل تۋرالى كونفۋسيي، لاوسزى ەڭبەكتەرىندە جانە حابۋسناما كىتاپتارىندا ەگجەي-تەگجەيىنە دەيىن تاپتىشتەپ جازىلعان. وسى قاراپايىم كريتەرييلەردى ەسكەرسەڭىز، ءار نارسە ساتىمەن جۇزەگە اسپاق.
قورىتۋ. پايىمدى توپتاعاندا شىعاتىن وي بىرەۋ: ول – جيناقىلىق. انتون چەحوۆ «ادامنىڭ كيىمى دە، ءسوزى دە، جانى دا سۇلۋ بولۋى كەرەك» دەپتى.