باراحولكا ساۋدا ورىنداردا ورتتەرگە ارەكەت ەتۋ شارالارى كۇشەيتىلدى.
ەستەرىڭىزگە سالا كەتەيىك، 24 شىلدەدە الماتى قالاسىنىڭ اكىمى دارحان ساتىبالدى سولتۇستىك اينالىم بويىنداعى ساۋدا ورىندارىندا ورتكە قارسى شارالاردى كۇشەيتۋدى تاپسىرعان بولاتىن.
«جاعداي وزگەرمەسە، ناتيجە بولماسا، قاتاڭ شارالار قولدانىلۋى ءتيىس»، – دەپ اتاپ وتكەن قالا باسشىسى.
2025 جىلعى 11 تامىز كۇنى ساعات 07:34-تە «112» پۋلتىنە الماتى قالاسىنداعى «ۇشقونىر» بازارىندا (سولتۇستىك شەڭبەر كوشەسى، 122 مەكەن-جايى) ءورت شىققانى تۋرالى حابار كەلىپ ءتۇستى. تجد كۇشتەرى جوعارى دەڭگەيدەگى شاقىرتۋ بويىنشا دەرەۋ باعىتتالدى.
وقيعا ورنىنا كەلگەندە: اسحانا ورتەنىپ، جالىن ەكى 20 توننا كونتەينەرگە تاراعانى انىقتالدى. جالپى ءورت اۋماعى 70 شارشى مەتردى قۇرادى. تجد قىزمەتكەرلەرىنىڭ ۇيلەسىمدى ارەكەتى ارقاسىندا ءورت 08:03-تە تولىعىمەن ءسوندىرىلدى.
ءورت ءسوندىرۋ كەزىندە دروندار قولدانىلىپ، ءورت وشاقتارى مەن جوعارى تەمپەراتۋرالى جەرلەر انىقتالدى.
قابىلدانعان شارالار ارقاسىندا ءورتتىڭ ءارى قاراي تارالۋى توقتاتىلىپ، كاسىپكەرلەردىڭ مۇلكى ساقتالدى. سونىمەن قاتار، ەكى 25 ليترلىك گاز باللونى ەۆاكۋاسيالانىپ، سالقىنداتىلدى.
زارداپ شەككەندەر جوق. ءورتتىڭ سەبەبى انىقتالۋدا.
ءورت سوندىرۋگە 51 قىزمەتكەر مەن 13 تەحنيكا بىرلىگى جۇمىلدىرىلدى.