ءبىراق ودان جاۋاپ الىنعان جوق.
6 جىلعا سوتتالعان Kausar Travel ديرەكتورى مەدەت مۇراتباي ۇلى كۇتپەگەن مالىمدەمە جاسادى، دەپ حابارلايدى Almaty-akshamy.kz وTYRAR پورتالىنا سىلتەمە جاساپ.
وسى جانجال باستالعان قاڭتار ايىندا بۇل تۋرالى حابارلاعانبىز.
مەككە مەن مەديناعا بارعىسى كەلگەن قاجىلاردىڭ ءارقايسىسى تۋريستىك فيرماعا كەم دەگەندە مىڭ دوللاردان بەرگەن.
قاجىلىققا بارعىسى كەلگەندەردى سەرگەلدەڭگە سالعان Kausar Trevel تۋرفيرماسىنىڭ ديرەكتورىنا شىمكەنت سوتى ۇكىم شىعاردى. وعان جۇزدەگەن قازاقستاندىقتى الدادى دەگەن ايىپ تاعىلدى.
مەككە مەن مەديناعا بارعىسى كەلگەندەردىڭ كەيبىرەۋلەرى قازاقستاننان ۇشىپ كەتە الماعان، ال كەيبىرى شەت ەلگە بارىپ الىپ، باسپاناسىز، اقشاسىز، اش قالعان. سوت پروسەسى باستالماي تۇرىپ، كۇدىكتىلەر جۋرناليستەرگە سۇحبات بەرىپ، ماسەلەنى تۇسىندىرمەك بولعان.
"مەن ۇلتتىق قاۋىپسىزدىك كوميتەتىنە، شىمكەنت پوليسيا دەپارتامەنتىنە ارىز جازدىم. ءىس بويىنشا بەكبولات تىلەۋحانوۆ تا سوتقا كەلۋگە بولعان. ول الدانعان ادامداردىڭ بارلىق اقشاسىن الىپ كەتتى، ءبىراق قانداي دا ءبىر سەبەپتەرمەن ول ءىس بويىنشا ودان جاۋاپ الىنبادى"، - دەدى سوتتالۋشى سوت پروسەسى باستالعانعا دەيىن.
سوتتا 300-گە جۋىق قاجى كۋا رەتىندە تارتىلدى. زارداپ شەككەندەر الدانعانداردىڭ ودان دا كوپ بولۋى مۇمكىن ەكەنىن ايتتى. سوت جارىسسوزىندە پروكۋرور ايىپتالۋشىنى 4 جىل 8 ايعا باس بوستاندىعىنان ايىرۋدى سۇرادى.
"سوت ۇكىمىمەن سوتتالۋشى كىنالى دەپ تانىلىپ، 6 جىلعا باس بوستاندىعىنان ايىرىلدى. ول جازاسىن ورتاشا قاۋىپسىزدىك مەكەمەسىندە وتەيدى"، - دەدى سۋديا اينەل وراقبايەۆا.
تۋرفيرما ديرەكتورى ءوز كىناسىن مويىندامادى جانە وكىنبەدى.