· جادىڭىزدا ءجۇرسىن!
عالىمدار «ادام نەعۇرلىم اقىلدى بولسا، سوعۇرلىم ءوزىن باقىتتى سەزىنەدى» دەگەن قورىتىندىعا كەلگەن كورىنەدى.
اعىلشىن عالىمدارىنىڭ كەڭ كولەمدى زەرتتەۋ جۇمىستارى ينتەللەكتۋالدىق دامۋى جوعارى ادامدار QI دەڭگەيىنىڭ كورسەتكىشى تومەن كىسىلەرگە قاراعاندا اناعۇرلىم باقىتتى ەكەنىن كورسەتىپ بەرگەن.
مۇنىڭ سىرتىندا بريتان عالىمدارى ادامنىڭ ماتەريالدىق جاعدايى مەن دەنساۋلىعى جانە ءوزىن-وزى باعالاۋى اقىل-وي دەڭگەيىنە تاۋەلدى ەكەنىن انىقتاعان.
بۇل جەردە دە QI دەڭگەيىنىڭ كورسەتكىشى تومەن ادامداردىڭ ءوز ومىرلەرىنە قاناعاتتانبايتىنى جانە كۇيزەلىسكە كوپ دۋشار بولاتىنى ءمالىم بولعان. ياعني ءبىزدىڭ دۇنيەگە دەگەن كوزقاراسىمىز كوپ جاعدايدا الەۋمەتتىك جاعدايىمىز بەن تابىسىمىزدىڭ دەڭگەيىنە بايلانىستى.
ءوزىنىڭ ماتەريالدىق جاعدايىنا كوڭىل تولماۋشىلىق ادامدى كوبىنەسە كۇيزەلىستى جاعدايلارعا ۇرىندىرادى ءارى دەنساۋلىعى مەن كوڭىل كۇيىنە دە جاعىمسىز اسەرىن تيگىزەتىن كورىنەدى.