مەدەۋ اۋدانىنداعى №115 بوبەكجاي-بالاباقشاسىندا «AMANAT» پارتياسىنىڭ «باقىتتى وتباسى» جوباسى اياسىندا «تولاعاي» اتتى وتباسىلىق سپورتتىق جارىس ءوتتى.
ءىس-شارانىڭ باستى ماقساتى – وتباسى قۇندىلىقتارىن دارىپتەۋ جانە سالاۋاتتى ءومىر سالتىن مەكتەپكە دەيىنگى جاستاعى بالالاردىڭ بويىنا ءسىڭىرۋ. جارىسقا №110، №114، №115 جانە №125 بوبەكجاي-بالاباقشالارىنىڭ تاربيەلەنۋشىلەرى مەن ولاردىڭ اتا-انالارى بەلسەنە قاتىستى. شارا بارىسىندا قاتىسۋشىلار ءتۇرلى سپورتتىق ەستافەتالار مەن ويىندار ارقىلى ۇيىمشىلدىقتى، بەلسەندىلىكتى جانە وتباسى مۇشەلەرى اراسىنداعى ءوزارا بىرلىكتى كورسەتتى.
ءىس-شاراعا الماتى قالالىق فيليالى ءتوراعاسىنىڭ ورىنباسارى قۋانىش تولەپوۆ، قالالىق ءماسليحات دەپۋتاتى ەلەنا تە، وليمپيادا چەمپيونى، پارتيا مۇشەسى ەرماحان يبرايموۆ جانە باسقا دا قوعام بەلسەندىلەرى ارنايى قاتىستى.
№115 بوبەكجاي-بالاباقشاسىنىڭ مەڭگەرۋشىسى الفيا ەستەنوۆا ءوز سوزىندە شەتەلدىك تاعىلىمدامالاردان كورگەن وزىق تاجىريبەنى بالاباقشا تاربيە ۇردىسىنە ەنگىزۋدىڭ ماڭىزىن اتاپ ءوتتى:
– بۇل شارا – شەتەلدىك تاعىلىمدامالار بارىسىندا جيناقتالعان وزىق تاجىريبەنى مەكتەپكە دەيىنگى تاربيە مەن وقىتۋ پروسەسىنە ەنگىزۋدىڭ العاشقى قادامدارىنىڭ ءبىرى. مالايزيا، جۇڭگو، پولشا جانە گەرمانيا مەملەكەتتەرىندە كورگەن ءتيىمدى تاسىلدەر – بالالاردىڭ كۇندەلىكتى ءومىرىن بەلسەندى ءارى سانالى ەتۋدىڭ جولى. اسىرەسە، ۇلتتىق سپورت تۇرلەرى، ءوزىن-وزى كۇتۋ داعدىلارى، اشىق الاڭداعى ويىندار، ءوزىن-وزى كۇتۋ داعدىلارى مەن پسيحولوگيالىق قولداۋ باعىتتارى ءبىزدىڭ جۇيەگە دە وڭ ىقپال ەتەتىنىنە سەنىمدىمىن. مەكتەپكە دەيىنگى جاس، ول – دەنساۋلىقتىڭ، جەكە تۇلعا بولىپ قالىپتاسۋدىڭ نەگىزى قالاناتىن ماڭىزدى كەزەڭ، – دەدى.
جارىس ناتيجەسى بويىنشا ورىندار كەلەسىدەي ءبولىندى: 1 ورىن – №110 بوبەكجاي-بالاباقشاسى؛ 2 ورىن – №114 بوبەكجاي-بالاباقشاسى؛ 3 ورىن – №115 بوبەكجاي-بالاباقشاسى؛ 4 ورىن – №125 بوبەكجاي-بالاباقشاسى.
وتباسى – قوعامنىڭ وزەگى. مۇنداي ءىس-شارالار جاس ۇرپاققا دۇرىس باعىت-باعدار بەرىپ قانا قويماي، ولاردى فيزيكالىق جانە رۋحاني تۇرعىدا شىڭداۋعا ىقپال ەتەدى. بۇل ەل بولاشاعىنا سالىنعان بەرىك ىرگەتاس.