35-گۆارديالىق دەسانتتىق-شابۋىل بريگاداسى كومانديرىنىڭ ورىنباسارى، پودپولكوۆنيك ساندىبەك حايروۆ ەلىمىزدىڭ كونستيتۋسيالىق قۇرىلىمىن قورعاۋدا ەرلىكپەن قازا تاپتى.
الماتىدا قالانى قورعاۋ كەزىندە بانديتتەردىڭ قولىنان قازا تاپقان قارۋلى كۇشتەردىڭ وفيسەرى ساندىبەك حايروۆپەن قوشتاسۋ ءراسىمى ءوتتى، دەپ حابارلايدى Almaty-akshamy.kz
ول اسكەري قىزمەتشىلەردى قالا اكىمدىگىنىڭ شابۋىل جاسالعان عيماراتىنان شىعارىپ ۇلگەردى، ءبىراق ءوزى قورعانا المادى.
الماتى اكىمى باقىتجان ساعىنتايەۆ مارقۇمنىڭ تۋىستارى مەن جاقىندارىنا كوڭىل ايتتى. ونىڭ ەرلىگى ءارقاشان باتىلدىق پەن وفيسەرلىك ابىرويدىڭ ۇلگىسى، اسكەري بورىشىن اتقارۋدىڭ ۇلگىسى بولادى.
«قازا تاپقان اسكەري قىزمەتشىلەردى، قۇقىق قورعاۋ ورگاندارىنىڭ قىزمەتكەرلەرىن ەسكە الۋ رەسپۋبليكا الاڭىندا ورناتىلاتىن مەموريالدا ماڭگى ساقتالادى. بۇل ءبىزدىڭ ەلىمىزدى تەرروريستەردەن قورعاپ، بەيبىتشىلىكتى ساقتاپ، ازاماتتاردىڭ قاۋىپسىزدىگىن قامتاماسىز ەتكەندەردى ەسكە الۋ ءۇشىن ۇرپاقتارعا ارنالادى»، - دەدى ب.ساعىنتايەۆ.
قالا اكىمى س. حايروۆتىڭ وتباسىنا ماتەريالدىق كومەك كورسەتىلگەنىن، سونداي-اق پاتەر بولىنەتىنىن حابارلادى. مارقۇمنىڭ ارتىندا جۇبايى مەن ەكى بالاسى قالدى.