قالا اكىمى باقىتجان ساعىنتايەۆ «الماتى» تا-داعى Akimat LIVE باعدارلاماسىنىڭ تىكەلەي ەفيرى بارىسىندا ۇجىمدىق يممۋنيتەتتىڭ ءوسۋى ءۇشىن جاپپاي ۆاكسينالانۋدىڭ باستى ءرول اتقاراتىنىن ايتتى، دەپ حابارلايدى almaty-akshamy.kz
الماتى قالاسىندا كۆي بويىنشا ەپيدەميولوگيالىق احۋال 20 قازاننان باستاپ 300-دەن كەم جاعدايدى تىركەي وتىرىپ، وپتيميستىك بولجام بويىنشا دامۋدا.
پاندەميا باستالعاننان بەرى الماتىدا كۆي-دىڭ 177،2 مىڭ جاعدايى تىركەلدى، اعىمداعى جىلدىڭ باسىنان بەرى – 158،7 مىڭ ادام. دەرتتىڭ اپتالىق كورسەتكىشى 100 مىڭ تۇرعىنعا شاققاندا ءبىر اپتا بۇرىنعى 113،9-دان 89،5-كە دەيىن جانە تاۋلىكتىك ءوسىم 0،2-دەن 0،14-كە دەيىن تومەندەۋدە. ونىڭ ۇستىنە، ينفەكسيانىڭ بەرىلۋ يندەكسى 0،98-دەن 0،88-گە دەيىن ازايادى.
الدىن الا جۇرگىزىلگەن پروفيلاكتيكالىق شارالار كۆي دەرتىنىڭ تومەندەۋىنە ىقپال ەتتى. ەڭ باستى ءتيىمدى شارا – جاپپاي ۆاكسينالانۋ، سونىڭ ارقاسىندا ۇجىمدىق يممۋنيتەتتىڭ ارتۋى بايقالادى. بۇگىنگى كۇنى ول رەسمي تىركەلگەن حالىق سانىنىڭ 54،4%-ىن قۇرايدى. حالىقتىڭ رەسمي سانىنىڭ 46،5%-ى ەكى كومپونەنتپەن ۆاكسينالاندى، ال جىل باسىنان بەرى اۋىرىپ جازىلعان ادامداردىڭ 7،9%-ى ەكپە سالدىردى.
26 قازاندا قالادا كوروناۆيرۋستىق ينفەكسيانىڭ 230 وقيعاسى تىركەلدى، ونىڭ ىشىندە 222-ى سيمپتومدى جاعداي. ينفەكسيالىق ستاسيونارلاردا 1056 ادام (28 بالا) جاتىر، ونىڭ ىشىندە 52ء-سىنىڭ جاعدايى وتە اۋىر، 501ء-ى اۋىر، 502ء-سى ورتاشا اۋىر جاعدايدا. وريت-تە 106 پاسيەنت بار. ءوجج اپپاراتىندا – 24، ءينۆازيۆتى ەمەس ءوجج اپپاراتىندا – 47، High flow - 27 اپپاراتى قولدانىستا.