Nur Otan پارتياسى الماتى قالالىق فيليالىنىڭ ءتوراعاسى، قالا اكىمى باقىتجان ساعىنتايەۆ ازاماتتاردى قابىلداۋ وتكىزدى، دەپ حابارلايدى almaty-akshamy.kz
قالا تۇرعىندارى اباتتاندىرۋ، جول ينفراقۇرىلىمىن دامىتۋ جانە اۋلالاردى جوندەۋ ماسەلەلەرى بويىنشا جۇگىندى. باقىتجان ساعىنتايەۆتىڭ تاپسىرماسى بويىنشا بوستاندىق اۋدانىنداعى اۋلانىڭ سىرتقى جارىعىنىڭ ماسەلەسى شەشىلەدى. كەلەسى جىلعا ويىن الاڭىن جاساۋ ءارى كۇردەلى جوندەۋ قاراستىرىلعان.
سونداي-اق، ناۋرىزباي اۋدانىنداعى جەكەمەنشىك ءبىلىم بەرۋ مەكەمەسىن ەلەكترمەن ۇزدىكسىز قامتاماسىز ەتۋ جانە مەدەۋ اۋدانىندا جولداردى جوندەۋ ماسەلەسى شەشىلەتىن بولادى.
باقىتجان ساعىنتايەۆتىڭ تاپسىرماسى بويىنشا اربادا وتىرعان مۇگەدەك سپورتشىلار تارازدا وتەتىن بوديبيلدينگتەن ۇلتتىق چەمپيوناتقا قاتىسا الادى.
الماتى مەتروپوليتەنىنىڭ ارداگەرى و.سماعۇلوۆتىڭ مەترونىڭ ىسكە قوسىلۋىنىڭ 10 جىلدىعى قۇرمەتىنە مۇراجاي اشۋ جونىندەگى ۇسىنىسى قولداۋ تاپتى.