باقىتجان ساعىنتايەۆ الماتىلىقتاردى ۆاكسينالانۋعا جانە ەپيدقاۋىپسىزدىك شارالارىن ساقتاۋعا شاقىردى

ەكپە سالدىرۋ ەلىمىزدىڭ كەيبىر ايماقتارىندا تىركەلگەن جاڭا Eta شتامىنا دا توسقاۋىل بولادى.

«الماتى» تا-داعى Akimat live باعدارلاماسىنىڭ تىكەلەي ەفيرىندە قالا اكىمى باقىتجان ساعىنتايەۆ كوروناۆيرۋستىڭ اعىمداعى جاعدايى جانە ۆاكسينالانۋ قارقىنى تۋرالى ايتتى، دەپ حابارلايدى  Almaty-akshamy.kz

الماتى ەپيدەميولوگيالىق باعالاۋ ماتريساسىندا قىزىل ايماقتا قالادى. 22 قىركۇيەكتە قالادا كوروناۆيرۋس ينفەكسياسىنىڭ 164 289 جاعدايى تىركەلدى، ونىڭ ىشىندە 141 872  ناۋقاس سيمپتومدى جانە 22 417 - سيمپتومسىز، انىقتالماعان پنيەۆمونيا - 2346. 21 قىركۇيەتە كوروناۆيرۋس ينفەكسياسىنىڭ 498 جاعدايى تىركەلدى، ونىڭ ىشىندە 470ء-ى سيمپتومدى، 28ء-ى سيمپتومسىز، انىقتالماعان پنيەۆمونيا  - 5.

ينفەكسيالىق ستاسيونارلاردا 5 230  توسەك  ورىن بار، ولاردا 2337 ادام ەمدەلۋدە، ونىڭ ىشىندە 111 بالا. 100 ناۋقاس اۋرۋحاناعا وتە اۋىر جاعدايدا ءتۇستى، 993ء-ىنىڭ جاعدايى اۋىر، 1241ء-ى ورتاشا اۋىرلىقتا، 3ء-ىنىڭ جاعدايى جەڭىل. رەانيماسيا جانە ينتەنسيۆتى تەراپيا بولىمىندە 229 ناۋقاس جاتىر. ءوجج اپپاراتىندا - 43، ءينۆازيۆتى ەمەس ءوجج - 103، High flow  اپپاراتىنداعىلار – 68.

باقىتجان ساعىنتايەۆ سانيتارلىق-ەپيدەميولوگيالىق قاۋىپسىزدىك شارالارىن ساقتاۋ جانە كۆي بويىنشا جاپپاي ۆاكسينالانۋ ينفەكسيانىڭ جاڭا تولقىنىنىڭ الدىن الۋعا كومەكتەسەتىنىن ەسكە سالدى.

وتكەن تاۋلىكتەردە ءبىرىنشى كومپونەنتپەن 2417 ادام، ەكىنشى كومپونەنتپەن 3906 ادام ۆاكسيناسيالاندى. 1 اقپاننان 21 قىركۇيەككە دەيىنگى ارالىقتا 933 678 ادام I كومپونەنتپەن، 827 239 ءىى كومپونەنتپەن ەگىلدى.