قالا اكىمى باقىتجان ساعىنتايەۆتىڭ توراعالىعىمەن وتكەن Nur Otan پارتياسىنىڭ الماتى قالالىق فيليالىنىڭ ساياسي كەڭەسىندە "نۇروتاندىقتاردىڭ" جۇمىسىن قالا تۇرعىندارىن تولعاندىراتىن وزەكتى ماسەلەلەردى ءتيىمدى شەشۋگە قايتا باعدارلاۋ مىندەتى قويىلدى. سونداي-اق، پارتيانىڭ كەزەكتەن تىس سەزىنىڭ دەلەگاتتارى سايلاندى، دەپ حابارلايدى اlmaty-akshamy.kz
Nur Otan پارتياسىنىڭ الماتى قالالىق فيليالى ساياسي كەڭەسىنىڭ جۇمىسىنا فيليالدىڭ اكتيۆى، دەپۋتاتتار مەن اۋداندىق فيليالداردىڭ وكىلدەرى قاتىستى.
Nur Otan پارتياسى الماتى قالالىق فيليالىنىڭ ساياسي كەڭەسى مەملەكەت باسشىسى قاسىم-جومارت توقايەۆتىڭ الماتىدا كونستيتۋسيالىق ءتارتىپتى ورناتۋ جانە تۇرعىنداردىڭ قاۋىپسىزدىگىن قامتاماسىز ەتۋ ءۇشىن قابىلداعان شارالارىن ءبىراۋىزدان قولدادى. ەل پرەزيدەنتىنىڭ باتىل ارەكەتتەرىنىڭ ارقاسىندا قالانىڭ تىنىس-تىرشىلىگى قىسقا مەرزىمدە تۇراقتالدى.
ب. ساعىنتايەۆ مەملەكەت باسشىسىنىڭ تاپسىرمالارىن ورىنداۋ اياسىندا الماتىدا شوب شىعىندارىن وتەۋ، سونداي-اق قالانىڭ زارداپ شەككەن عيماراتتارى مەن قۇرىلىستارىن قالپىنا كەلتىرۋ بويىنشا جۇمىستار بەلسەندى جۇرگىزىلىپ جاتقانىن ەسكە سالدى.
باعانىڭ ءوسۋىن تەجەۋ جونىندەگى شارالاردى ىسكە اسىرۋ اياسىندا ءۇي جانىنداعى دۇكەندەردە الەۋمەتتىك ماڭىزى بار ازىق-تۇلىك ونىمدەرىنىڭ قۇنى تومەندەدى، ەت ونىمدەرىن وتكىزۋ بويىنشا قوسىمشا الەۋمەتتىك دۇكەندەر اشىلۋدا.
Nur Otan پارتياسى الماتى قالالىق فيليالىنىڭ ءتوراعاسى، قالا اكىمى ب. ساعىنتايەۆ "نۇروتاندىقتاردىڭ" جۇمىستى قالا تۇرعىندارىن تولعاندىراتىن وزەكتى ماسەلەلەردى ءتيىمدى شەشۋگە باعىتتاۋى كەرەكتىگىن اتاپ ءوتتى. حالىقتىڭ جۇمىسقا ورنالاسۋعا، بىلىمگە قول جەتكىزۋگە، الەۋمەتتىك قولداۋعا، ينفراقۇرىلىمدى دامىتۋعا قاتىستى ساۋالدارىن شەشۋگە ەرەكشە نازار اۋدارۋ قاجەت.
پارتيانىڭ كەزەكتەن تىس سەزىنە 28 "نۇروتاندىق" قاتىسادى. دەلەگاتتار قاتارىندا Nur Otan پارتياسىنىڭ ساياسي كەڭەسى مەن باقىلاۋ-تەكسەرۋ كوميسسياسىنىڭ مۇشەلەرى، سونداي-اق پارتيانىڭ اۋداندىق فيليالدارى مەن Jas Otan جاستار قاناتىنىڭ وكىلدەرى بار. جارعى قۇجاتتارىنا سۇيەنە وتىرىپ، پارتيانىڭ الماتى قالالىق فيليالىنىڭ ءتوراعاسى، قالا اكىمى ب. ساعىنتايەۆ Nur Otan پارتياسى ساياسي كەڭەسىنىڭ مۇشەسى رەتىندە سەزد دەلەگاتتارىنىڭ قاتارىنا كىردى.