باقىتجان ساعىنتايەۆ ەكوكەشەننىڭ قۇرىلىس بارىسىمەن تانىستى

ەكوكەشەننىڭ باستى ماقساتى – ەكولوگيالىق ءتۋريزمدى دامىتۋ.

مەگاپوليس اكىمى باقىتجان ساعىنتايەۆ Qazaq Auyl كەشەنىنىڭ قۇرىلىس بارىسىن قاراپ شىقتى، دەپ حابارلايدى Almaty-akshamy.kz

Qazaq Auyl ەكو كەشەنى ۇلتتىق ستيلدە كىم-اسار شاتقالىندا سالىنۋدا. وعان مەيرامحانا، 15 قوناق ءۇي جانە ءىس-شارالارعا ارنالعان امفيتەاتر كىرەدى. جوبا بويىنشا مەيرامحانانى media Park Hotel قوناق ءۇي-تۇرعىن ءۇي كەشەنىمەن جانە ۆيزيت-ورتالىعىمەن قوسۋ كوزدەلگەن. ۆيزيت-ورتالىق ءۇشىن اقپاراتتىق قىزمەتتەر كورسەتىلەتىن جانە تۋريستىك جابدىقتار ساتىلاتىن جەكە ءۇي-جاي قاراستىرىلعان.

Qazaq Auyl جالپى الاڭى – 1،3 گا، ءۇي-جايلاردىڭ الاڭى – 850 ش.م، ينۆەستيسيا كولەمى – 800 ملن تەڭگە. 2022 جىلى پايدالانۋعا بەرۋ جوسپارلانعان ەكوكەشەندە 20 جۇمىس ورنى اشىلماق.

جوبا ەكولوگيالىق ءتۋريزمدى دامىتۋدى ەسكەرە وتىرىپ ازىرلەندى. بۇل جالپى اباتتاندىرۋدا، ۋچاسكەنىڭ جوسپارلاۋ قۇرىلىمىندا جانە كەشەن قۇرىلىمىن قۇرايتىن وبەكتىلەردىڭ كومپوزيسيالىق شەشىمىندە كورىنىس تاپتى.

قوعامدىق ءتارتىپتى قامتاماسىز ەتۋ، توتەنشە جاعدايلار تۋىنداعان كەزدە ادامداردى كۇزەتۋ، ەۆاكۋاسيالاۋ جانە قۇتقارۋ ءۇشىن مامانداندىرىلعان اۆتوكولىكتىڭ قولجەتىمدىلىگى كوزدەلگەن.