باقىتجان ساعىنتايەۆ الماتىدان وليمپياداعا قاتىساتىن سپورتشىلارعا ساتتىلىك تىلەدى

الماتى قالاسىنىڭ 13 سپورتشىسى وليمپيادا ويىندارىنا قاتىسۋ ءۇشىن سپورتتىڭ 6 ءتۇرى بويىنشا 13 ليسەنزيانى جەڭىپ الدى.

توكيوداعى وليمپيادا جانە پاراليمپيادا ويىندارىنا قاتىسۋشىلارمەن ونلاين-كەزدەسۋ بارىسىندا مەگاپوليس اكىمى باقىتجان ساعىنتايەۆ سپورتشىلارعا تاباندىلىق پەن جەڭىس تىلەدى، دەپ حابارلايدى Almaty-akshamy.kz.

«توكيو - 2020» وليمپيادا ويىندارى اعىمداعى جىلدىڭ 23 شىلدەسىنەن 8 تامىزىنا دەيىن جاپونيادا وتەدى. الماتى قالاسىنىڭ 13 سپورتشىسى وليمپيادا ويىندارىنا قاتىسۋ ءۇشىن سپورتتىڭ 6 ءتۇرى بويىنشا 13 ليسەنزيانى جەڭىپ الدى: ءجۇزۋ (100 م، 200 م) – دميتريي بالاندين؛ سپورتتىق شىڭعا شىعۋ – ريشات حايبۋللين؛ سپورتتىق گيمناستيكا – ميلاد كاريمي (7 ليسەنزيا)؛ سۋ پولوسىنىڭ كومانداسى؛ جەڭىل اتلەتيكا – كريستينا وۆچيننيكوۆا؛ ستەندىلىك اتۋ – اسەم ورىنباي. ەلدەگى ليسەنزيالاردىڭ جالپى سانى – 96، ال سپورتشىلار سانى – 95.

سونىمەن قاتار، ويىندارى اعىمداعى جىلدىڭ 24 تامىزى مەن 5 قىركۇيەگى ارالىعىندا توكيودا پاراليمپيادا ويىندارى وتەدى. الماتىدان 2 سپورتشى 2 ليسەنزيا جەڭىپ الدى: پاراتاەكۆوندو – كاميليا دوسمالوۆا، پاراپاۋەرليفتينگ – الينا سولودۋحينا. ەلدەگى ليسەنزيالاردىڭ جالپى سانى – 23.