باقىتجان ساعىنتايەۆ الماتىدا كوروناۆيرۋس ينفەكسياسىنىڭ تارالۋىن بولدىرماۋ جونىندە كەڭەس وتكىزدى

كۆي جاعدايلارىن تىركەۋ 1،5 ەسەگە ءوستى.

مەگاپوليس اكىمى باقىتجان ساعىنتايەۆتىڭ توراعالىعىمەن وتكەن جۇمىس كەڭەسىندە اعىمداعى ەپيدەميولوگيالىق احۋال قارالدى، كوروناۆيرۋس ينفەكسياسى جاڭا تولقىنىنىڭ الدىن الۋ جانە ۆيرۋستىڭ ودان ءارى تارالۋىن ەسكەرتۋ ماسەلەلەرى تالقىلاندى، دەپ حابارلايدى Almaty-akshamy.kz.

ءبىر اپتا ىشىندە، وتكەن كەزەڭمەن سالىستىرعاندا، كۆي جاعدايلارىن تىركەۋ 1،5 ەسەگە ءوستى، 5901-دەن 9077 جاعدايعا دەيىن ۇلعايدى، كۇندەلىكتى ءوسىم 1،7%-دى قۇرادى. 23 شىلدەدەن باستاپ كۆي-دىڭ تاۋلىكتىك تىركەلۋى 1 مىڭ جاعدايدان استى، اعىمداعى ايدا 22 498 جاعدايدى قۇرادى. بۇل جىل باسىنان بەرى 30 شىلدەدەگى 78 283 تىركەلگەن جاعدايدىڭ 29%-ىن قۇرايدى.

الماتىدا كەزەكتى، COVID-19 ءتورتىنشى تولقىنىنىڭ شىرقاۋ شەگى تامىزدىڭ ورتاسىنا كۇتىلۋدە، قىركۇيەكتىڭ باسىندا تومەندەۋى مۇمكىن. سوڭعى 7 كۇن ىشىندە سيمپتومدى ناۋقاستاردىڭ ۇلەس سالماعى ارتۋدا ءارى 90،7%-دى قۇرايدى. بۇل COVID-19 قوزدىرعىشتارىنىڭ اراسىندا «دەلتا» نۇسقاسىنىڭ باسىمدىعىن كورسەتەدى.

قالانىڭ سەبد-نىڭ باسشىسىنا ەلىمىزدىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس ءتيىستى شارالار قابىلداۋ تاپسىرىلدى. مەگاپوليستە كوروناۆيرۋس ينفەكسياسىنىڭ تارالۋ قارقىنىن بولدىرماۋ ءۇشىن كارانتيندىك شارالاردى كۇشەيتۋ قاجەت.

الماتى اكىمى كوممۋنالدىق كاسىپورىندار مەن بيزنەس-قاۋىمداستىقتار ۇجىمدارىن ۆاكسينالاۋدى كۇشەيتۋدى تاپسىردى. «Aتامەكەن» ۇكپ بىرلەسىپ بيزنەس-قوعامداستىق وكىلدەرىمەن ءتۇسىندىرۋ جۇمىستارىن جۇرگىزۋ قاجەت، مۇندا قىزمەت كورسەتەتىن كومپانيالار مەن قوعامدىق تاماقتاندىرۋ ورىندارىنا ءجىتى نازار اۋدارعان ءجون.