مەملەكەت باسشىسىنىڭ قۇرىلىس ماتەريالدارى نارىعىندا شارالار قابىلداۋ جونىندەگى تاپسىرماسىن ورىنداۋ بارىسىندا باسەكەلەستىكتى قورعاۋ جانە دامىتۋ اگەنتتىگىنىڭ اۋماقتىق بولىمشەلەرى بارلىق وڭىرلەردەگى قۇرىلىس ماتەريالدارى نارىقتارىندا باعانى كوتەرۋدىڭ نەگىزدىلىگىنە تالداۋ جۇرگىزۋدى جالعاستىرۋدا، دەپ حابارلايدى almaty-akshamy.k قازاقپاراتقا سىلتەمە جاساپ.
2021 جىلعى 29 شىلدەدەگى جاعداي بويىنشا، قۇرىلىس ماتەريالدارى نارىقتارىنىڭ سۋبەكتىلەرىنە بۇزۋشىلىق بەلگىلەرىن جويۋ جانە باعانى تومەندەتۋ قاجەتتىلىگى تۋرالى 63 حابارلاما جىبەرىلدى (ونىڭ ىشىندە 22-29 شىلدە ارالىعىنداعى كەزەڭدە 6 جاڭا حابارلاما):
كىرپىش بويىنشا – 16، ارماتۋرا – 13، سەمەنت – 17، بەتون – 8، قيىرشىق تاس – 2، پوليەتيلەن قۇبىرلارى – 3، شۆەللەرلەر – 2، كابەل – 1، شىنى – 1.
قازىرگى ۋاقىتتا 29 كومپانيا حابارلاما تالابىن ورىندادى. 22-29 شىلدە ارالىعىندا 8 كومپانيا، ونىڭ 5-ەۋى باعانى تومەندەتتى:
- پاۆلودار وبلىسىندا ارماتۋراعا «فيرما «ستالنوي سويۋز« ج ش س 397 220 تەڭگەدەن/تن 377 200 تەڭگەگە/تن دەيىن، «كЅر Steel« ج ش س، 351 000 تەڭگەدەن/تن 320 120 تەڭگەگە/تن دەيىن؛
- اتىراۋ وبلىسىندا "ۋرالمەتاللينۆەست" ج ش س ورتا ەسەپپەن 450 000 تەڭگەدەن/تن 418 500 تەنگەگە/تن دەيىن جانە «كازتەميركونتراكت« ج ش س 471 201 تەڭگەدەن/تن 430 109 تەڭگەگە/تن دەيىن؛
- سولتۇستىك قازاقستان وبلىسىندا بەتونعا "لوگيكا ستروي رەسۋرس" ج ش س قابىرعا بلوكتارىنىڭ قۇنىن 25000 تەڭگەدەن/تەكشە مەتر 23000 تەڭگەگە/تەكشە مەتر دەيىن نەمەسە 9%-عا تومەندەتتى.