كەيىن پروكۋرور حامەنوۆانى 7 جىلعا باس بوستاندىعىنان ايىرىپ، دۇنيە-مۇلكىن تاركىلەۋدى سۇراعان ەدى
اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆا سوتتان ءوزىن اقتاۋدى سۇرادى. اتىراۋ قالاسىنىڭ №2 سوتىندا سوڭعى ءسوزىن سويلەگەن ول قىلمىستىق وقيعاعا ەش قاتىسى جوق ەكەنىن العا تارتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ەسكە سالا كەتسەك، ەكس-شەنەۋنىككە بىلتىر جەلتوقسان ايىندا «الدىن الا كەلىسىم بويىنشا پارا الدى» دەگەن ايىپ تاعىلىپ، ءۇيقاماققا الىنعان. كەيىن پروكۋرور حامەنوۆانى 7 جىلعا باس بوستاندىعىنان ايىرىپ، دۇنيە-مۇلكىن تاركىلەۋدى سۇراعان ەدى.
«مەنىڭ ايعاقتارىم بويىنشا سوت رىسقالييەۆ پەن اداموۆقا جەكە قاۋلى شىعارۋى كەرەك. سونىڭ ناتيجەسىندە وسى قىلمىستىق ءىستى بۇرمالاعاندارعا قاتىستى قىلمىستىق ءىس قوزعالۋى ءتيىس. مەنىڭ بۇل ىسكە قاتىسىم جوق»، – دەدى اتىراۋ وبلىسى اكىمىنىڭ بۇرىنعى ورىنباسارى باقىتگۇل حامەنوۆا.