تەك وسى جاعدايدا ساۋدا جۇيەسى دۇكەن سورەلەرىندە ءادىل، نەگىزدەلگەن باعانىڭ قالىپتاسۋىن قامتاماسىز ەتە الادى.
ق ر ساۋدا جانە ينتەگراسيا ءمينيسترى باقىت سۇلتانوۆ ۆەدومستۆونىڭ باستى ماقساتىن اتادى، دەپ حابارلايدى Almaty-akshamy.kz.
«مينيسترلىكتىڭ ماقساتى – بارشا وندىرىستىك-وتكىزۋ تىزبەگىنە قاتىسۋشىلار مۇددەلەرىنىڭ تەڭگەرىمىن قالىپتاستىرۋ. بۇل تۇرعىدا وندىرۋشىلەر مەن ترەيدەرلەر، لوگيستەر مەن ترانسپورتشىلار، ساتۋشىلار جانە تۇتىنۋشىلار قامتىلادى. بۇل تەڭگەرىمدى قامتاماسىز ەتۋ ءۇشىن بارلىق پروسەستىڭ ناقتى كوورديناسياسى، اتالعان تىزبەكتەگى بارشا بۋىندار ويىنشىلارىنىڭ ەركىن ءارى اشىق باسەكەلەستىگى كەرەك»، - دەدى باقىت سۇلتانوۆ ونلاين رەجيمدە حالىق الدىندا ەسەپ بەرۋى كەزىندە.
ونىڭ پايىمداۋىنشا، تەك وسى جاعدايدا ساۋدا جۇيەسى دۇكەن سورەلەرىندە ءادىل، نەگىزدەلگەن باعانىڭ قالىپتاسۋىن قامتاماسىز ەتە الادى.
«بۇل ۇستانىمداردى بۇزۋ - پاندەميا اسەرىنەن وسى پروبلەمالاردى كورسەتتى. ياعني سوڭعى ءبىر جارىم جىلدا الەم ەلدەرىندە جانە بىزدە ازىق-تۇلىك قۇنى ءوسىمى دۇربەلەڭىنە الىپ كەلدى. ۇكىمەت دەر كەزىندە اسەر ەتۋگە تىرىستى جانە الەۋمەتتىك ازىق-تۇلىك ونىمدەرىنە باعانى تۇراقتاندىرۋ بويىنشا جول كارتاسىن قابىلدادى»، - دەدى مينيستر.
بۇل رەتتە ول كارتوپ باعاسىنىڭ قىمباتتاۋى سەبەبىنە توقتالدى. «ۇيلەسىمسىز قادامنىڭ باستى كورىنىسى – ول سوڭعى بىرنەشە اپتادا ورىن العان كارتوپقا قاتىستى جاعداي مەن ونىڭ تاپشىلىعى. نارىقتاعى تەڭگەرىمسىزدىك سولتۇستىك وڭىرلەردەگى كۇزگى كارتوپ تاۋسىلعاندا جانە وڭتۇستىك اۋماقتا جاڭا ءونىمدى جيناعان كەزدە دەر كەزىندە ءوڭىرارالىق ءوزارا ءىس-قيمىلدا رەتتەلۋى كەرەك. ونىڭ ىشىندە فورۆاردتى ساتىپ الۋ ەسكەرىلگەن ءجون. ول ءۇشىن جەرگىلىكتى اتقارۋشى ورگانداردا رەسۋرستار بار»، - دەدى باقىت سۇلتانوۆ.