باقىت احمەتوۆ اۋىر اتلەتيكادان قازاقستان ۇلتتىق قۇراماسىنىڭ باس باپكەرى قىزمەتىنەن بوساتىلدى، دەپ حابارلايدى almaty-akshamy.kz
ق ر اۋىر اتلەتيكا فەدەراسياسىنىڭ مالىمەتىنشە، بۇل شەشىم الماتى قالاسىندا ق ر مادەنيەت جانە سپورت ءمينيسترى اقتوتى رايىمقۇلوۆا مەن قازاقستاننىڭ اۋىر اتلەتيكا فەدەراسياسى باسشىلىعىنىڭ ۇلتتىق قۇرامانىڭ جاتتىقتىرۋشىلار شتابىنا قاتىستى اتلەتتەر مەن جاتتىقتىرۋشىلاردان تۇسكەن شاعىمداردى قاراۋ قورىتىندىسى بويىنشا قابىلداندى.
«فەدەراسيا ق ر ۇلتتىق وليمپيادا كوميتەتىمەن بىرلەسىپ، الداعى اۋىر اتلەتيكادان قازاقستان رەسپۋبليكاسىنىڭ چەمپيوناتى كەزىندە ۇلتتىق قۇراما كومانداسىنىڭ جاتتىقتىرۋشىلار شتابىنا ۇمىتكەرلەردى ىرىكتەۋدى وسى ماقساتتار ءۇشىن ازىرلەنگەن كريتەرييلەر نەگىزىندە جۇرگىزۋگە نيەتتى»، – دەلىنگەن رەسمي مالىمدەمەدە.