تازالىق شاراسى قالا اكىمدىگىنىڭ قولداۋىمەن ۇيىمداستىرىلدى.
الماتى قالاسىندا جالپىقالالىق سەنبىلىك وتۋدە. تازالىق شاراسى قالا اكىمدىگىنىڭ قولداۋىمەن ۇيىمداستىرىلدى، - دەپ حابارلايدى اlmaty-akshamy.kz.
جەر-جەردە بەلسەندى جاستار، تۇرعىندار، تانىمال انشىلەر تازالىق جۇمىستارىن جۇرگىزىپ، قالانى كوگالداندىرۋعا، اعاش ەگۋگە ۇلەستەرىن قوسۋدا. تازا اۋادا تاڭ شۋاعىنا بولەنگەن سەنبىلىك قاتىسۋشىلارى ءىس-شاراعا قاتىستى اسەرلەرىمەن ءبولىستى.
«اسەم الماتىدا ۇلكەن سەنبىلىك ءوتىپ جاتىر. بىرىنشىدەن، وسىنداي شارانى ۇيىمداستىرۋعا كومەكتەسكەن اكىمشىلىككە، شاھار باسشىسى ەربولات دوسايەۆقا العىسىمدى بىلدىرەمىن. بۇل وتە جاقسى باستاما، جىل سايىن وتكىزىلەدى. الماتى جاسىل جەلەگىمەن ەرەكشە قالا. ءبىراق المالارىمىز ازايىپ بارا جاتىر. ءبىراق عىلىم ارقىلى بۇل ماسەلەنى شەشىپ، الماتى دەگەن اتىمىزدى قايتا شىعارا الامىز دەپ سەنەمىن. ەندى مەن قالا تۇرعىندارى مەن ازاماتتاردى تەك ۇيىمداستىرىلعان سەنبىلىكتە عانا جينالماي، وزدەرى دە باس قوسىپ، كورشىلەر بولىپ، ءۇي ماڭىندا تال ەگۋگە شاقىرامىن. جىل سايىن ادامدار وسىلاي اعاش ەگىپ تۇرسا، ءبىزدىڭ قالامىز ودان سايىن كوركەيەدى»، – دەدى ق ر ەڭبەك سىڭىرگەن ءارتىسى باقتيار تايلاقبايەۆ.
