سەنبىلىككە تانىمال ەسترادا انشىلەرى، قوعام بەلسەندىلەرى قاتىسىپ، ۇلەس قوسۋدا.
الماتىدا جالپىقالالىق سەنبىلىك ءوتىپ جاتىر، دەپ حابارلايدى اlmaty-akshamy.kz. وعان قالا تۇرعىندارىمەن بىرگە، تانىمال ەسترادا انشىلەرى، قوعام بەلسەندىلەرى قاتىسىپ، ۇلەس قوسۋدا.
«قالامىزدى كوگالداندىرۋعا، تازالاۋعا ۇنەمى وسىلاي ۇلەس قوسىپ وتىرۋىمىز كەرەك. ءوزىمىزدىڭ تۇرىپ جاتقان اسەم مەگاپوليسكە قولىمىزدان كەلگەنشە تال ەگىپ، قىزمەت اتقارىپ جاتىرمىز. ءبارى بىردەن بولمايدى، وسىلاي اقىرىن-اقىرىن گۇلدەنە بەرەدى دەپ ويلايمىن. جاستاردىڭ قاراسى كوپ، ولاردىڭ كەلگەنى جاقسى. ولار وزدەرىنەن كەيىن ىنىلەرىنە، بالالارىنا «تازالىق ساقتايىق» دەپ ايتىپ جۇرەدى. ءوز ەڭبەگىمەن ەككەن سوڭ، ەڭبەكتىڭ باعاسىن بىلەدى. ءبىر ايتارىم، قالامىزدى تازا ۇستايىق!» - دەدى تانىمال ءانشى ماقسات بازاربايەۆ.