قازاقستان جۋرناليستەر وداعى يۋنەسكو قامقورلىعىمەن مادەنيەتتەردى جاقىنداستىرۋدىڭ حالىقارالىق ورتالىعىمەن بىرلەسىپ، وتاندىق باق-تىڭ قالىپتاسۋىنا ەلەۋلى ۇلەس قوسقان، ومىردەن وتكەن قازاقستاندىق جۋرناليستەردى ەسكە الۋعا ارنالعان اكسيا وتكىزدى.
اتالمىش اكسيا قازاقستان جۋرناليستەر وداعىنىڭ عيماراتىندا ءوتتى. شارا يۋنەسكو-نىڭ ءبىلىم قوعامدارىن قۇرۋ جونىندەگى يدەيالارىن ءىس جۇزىندە جۇزەگە اسىرۋ ماقساتىندا دۇنيەجۇزىلىك دامۋ تۋرالى اقپارات كۇنىنە سايكەس ۇيىمداستىرىلدى.
قازاقستان جۋرناليستەر وداعىنىڭ ءتوراعاسى سەيىتقازى ماتايەۆتىڭ ايتۋىنشا، اكسيانى ۇيىمداستىرۋعا اقىن، قوعام قايراتكەرى ولجاس سۇلەيمەنوۆ قولۇشىن سوزدى. بۇل اكسيا العاش رەت بىلتىر قازان ايىندا ءوتكەن ەدى.
1972 جىلى بۇۇ باس اسسامبلەياسى دۇنيەجۇزىلىك دامۋ تۋرالى اقپارات كۇنىن قۇرۋعا شەشىم قابىلدادى. ماقساتى – الەمدىك قوعامنىڭ نازارىن تۇيتكىلدى ماسەلەلەرگە جانە ولاردى شەشۋ ءۇشىن حالىقارالىق ىنتىماقتاستىقتى نىعايتۋعا اۋدارۋ. اسسامبلەيا بۇل كۇن نەگىزىنەن بىرىككەن ۇلتتار ۇيىمى كۇنى – 24 قازانمەن سايكەس كەلۋى كەرەك دەپ شەشتى.
قازاقستاننىڭ بۇقارالىق اقپارات قۇرالدارى تۇراقتى ءارى تاۋەلسىز بولاشاق قۇرۋ، ەلدەگى كەدەيلىك، تەڭسىزدىك، قورشاعان ورتانىڭ ناشارلاۋى، بەيبىتشىلىك پەن ادىلەتتىلىك سياقتى وزگە دە ماڭىزدى جاھاندىق ماسەلەلەردى شەشۋدى قامتيدى. جۋرناليستىك مىندەتتەرىن ابىرويمەن اتقارعان وتاندىق بۇقارالىق اقپارات قۇرالدارى وكىلدەرىنىڭ ءبىرازى بۇگىندە ومىردەن ءوتىپ كەتتى. سوندىقتان وسى ءىس-شارا ەلىمىزدىڭ، قوعامنىڭ دامۋىنا ۇلەس قوسقان، دەر كەزىندە شىنايى اقپارات تاراتقان جۋرناليستەردى ەسكە الۋعا ارنالادى. جيىنعا مارقۇم بولعان جۋرناليستەردىڭ جاقىن تۋىستارى، قازاقستاندىق باسپا ءسوز ارداگەرلەرى، سونداي-اق، كورنەكتى اقىن جانە قوعام قايراتكەرى ولجاس سۇلەيمەنوۆ قاتىستى.
شىنايى اقپاراتتى ۋاقىتىندا جەتكىزۋ، قوعامدىق پىكىر قالىپتاستىرۋ – جۋرناليست ءۇشىن ماڭىزدى ءمىندەت. باقيلىق بولعان جۋرناليستەردىڭ قىزمەتتەگى ەستەلىكتەرىمەن بولىسكەن شارا قاتىسۋشىلارى بىرنەشە ۇسىنىس تا ايتتى. بولاشاقتا جۋرناليستەر تۋرالى كىتاپ تا جازىلۋى مۇمكىن.
بىلتىر اكسيا باستالعالى بەرى قازاقستان جۋرناليستەر وداعى الماتى قالاسى بويىنشا قايتىس بولعان جۋرناليستەردىڭ ءتىزىمىن جاساۋدى باستاعان بولاتىن. قازاقستان جۋرناليستەر وداعىنىڭ جاۋاپتى حاتشىسى بايان رامازانوۆانىڭ ايتۋىنشا، بۇل ءتىزىم ءالى دە جاڭارتىلادى. سەبەبى، جۋرناليستەر وتە كوپ. 5-6 وبلىستان ءتىزىم جىبەرىلدى. تەك قالا بويىنشا عانا ەمەس، ەلىمىزدىڭ جەر-جەرىنەن جۋرناليستەردىڭ ءتىزىمى جاسالادى. پاندەميادان بولەك، باسقا دا ەمى جوق اۋرۋدان قايتىس بولعان جۋرناليستەردىڭ ەسىمى ەنگىزىلەدى.
ايتا كەتكەن ءجون، «Alataý اqparat» مەدياحولدينگىنىڭ عيماراتىندا بۇگىندە ومىردە جوق جۋرناليستەردىڭ بۇرىن تۇتىنعان زاتتارى، ديكتوفون، فوتواپپارات، ت.ب. زاتتار ساقتالعان.
جۋرناليستەردىڭ قوعامدىق ومىردەگى ەڭبەگى مەن ۇلەسىن ءبىراۋىز سوزبەن باعالاۋ مۇمكىن ەمەس. قاپىدا قازا بولعان قازاقستاندىق جۋرناليستەر وتاندىق ب ا ق ءۇشىن ايتارلىقتاي ۇلەس قوستى. جۋرناليستەردى ەسكە الۋعا ارنالعان شارا 1 مينۋت ۇنسىزدىكپەن باستالدى.