«URKER – 2022» ۇلتتىق بايگەسىنە ءوتىنىم قابىلداۋ باستالدى.
بايقاۋ باسپا، راديو، ينتەرنەت-جۋرناليستيكا سالاسىنداعى ۇزدىكتەردى انىقتاۋعا باعىتتالعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
ق ر اقپارات جانە قوعامدىق دامۋ مينيسترلىگىنەن ءمالىم ەتكەندەي، بايقاۋعا مەدياكونتەنت وندىرەتىن جانە تاراتاتىن رەسپۋبليكالىق جانە وڭىرلىك راديوستانسيالار، باسپا جانە ينتەرنەت-باسىلىمدار قاتىسا الادى.
وتىنىمدەر 30 قىركۇيەك – 19 قازان كۇندەرى قابىلدانادى.
كونكۋرسقا جولداناتىن جۇمىستار 2021 جىلعى 2 ماۋسىم 2022 جىلعى 29 قىركۇيەك ارالىعىندا باسپا باسىلىمىندا، ينتەرنەت-رەسۋرستا جاريالانۋى نەمەسە راديوەفيردە شىعۋى ءتيىس.
ءار ۇمىتكەر بايگەنىڭ تەك ەكى نوميناسياسىنا قاتىسۋعا قۇقىلى.
وتىنىمدەر urker-awards.kz رەسمي سايتىندا 10 نوميناسيا بويىنشا قابىلدانادى:
1. جىلدىڭ ۇزدىك سۇحباتى
2. جىلدىڭ ۇزدىك رەپورتاجى
3. الەۋمەتتىك تاقىرىپتاعى ۇزدىك ماتەريال
4. جىلدىڭ ۇزدىك جۋرناليستىك زەرتتەۋى
5. جىلدىڭ ۇزدىك اناليتيكالىق ماتەريالى
6. حالىقارالىق تاقىرىپتاعى ۇزدىك ماتەريال
7. جىلدىڭ ۇزدىك جاڭالىقتار پورتالى
8. راديوستانسياداعى ۇزدىك جوبا
9. جىلدىڭ ۇزدىك فوتوسۋرەتى
10. ۇزدىك وڭىرلىك ب ا ق
ارنايى پرەميالار:
1. احمەت بايتۇرسىنوۆ اتىنداعى ارنايى پرەميا (باسپا باق-تاعى جوبا)
2. شەرحان مۇرتازا اتىنداعى ارنايى پرەميا (اۆتورلىق جوبا)
3. باتىر قازىبايەۆ اتىنداعى ارنايى پرەميا (ينتەرنەت باق-تاعى جوبا)
جۇمىستاردى بەدەلدى جۋرناليستەر، سالانىڭ ەڭبەك سىڭىرگەن قايراتكەرلەرى مەن مەدياساراپشىلار ەنگەن تاۋەلسىز قازىلار القاسى باعالايتىن بولادى.
ءار نوميناسيانىڭ ۇزدىك وكىلىنە جەڭىمپاز اتاعى بەرىلىپ، «URKER - 2022» ەستەلىك مۇسىنشەسى جانە 1 000 000 تەڭگە مولشەرىندەگى اقشالاي سىي تابىستالادى.
ۇلتتىق بايگە ۇيىمداستىرۋشىلارى – ق ر اقپارات جانە قوعامدىق دامۋ مينيسترلىگى جانە «مەديا دامىتۋ قورى» كورپوراتيۆتىك قورى.