ءبىرقاتار بانكتەردىڭ ءموبيلدى قوسىمشاسى ينتەرنەتسىز جۇمىس ىستەي باستادى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
بۇعان دەيىن Halyk Bank، Homebank پەن Kaspi Bank ءموبيلدى قوسىمشالارىنىڭ ىسكە قوسىلعانىن جەتكىزگەن بولاتىن. ءبىراق ولاردىڭ دا قىزمەتى كىدىرىسپەن ىستەپ تۇر. سونداي-اق ەلىمىزدەگى بانكتەر ءىرى وڭىرلەردەگى بانكوماتتاردىڭ جۇمىسىن دا قالپىنا كەلتىرىپ جاتىر.
بۇعان دەيىن ۇكىمەت وتستاۆكاعا كەتكەن بولاتىن. پرەمەر-مينيستردىڭ قىزمەتىن ۋاقىتشا ءاليحان سمايىلوۆ اتقارادى. ەرلان قارين مەملەكەتتىك حاتشى بولىپ تاعايىندالدى. ال الماتى مەن ماڭعىستاۋ وبلىسىندا توتەنشە جاعداي رەجيمى ەنگىزىلدى. جالپى، بۇعان دەيىن قازاقستاندا توتەنشە جاعداي نەشە رەت جاريالاندى؟ توتەنشە جاعداي كەزىندە نەنى ءبىلۋ كەرەك؟
بۇعان دەيىن ايتىلعانداي، گاز باعاسىن ارنايى كوميسسيا رەتتەيدى. ال سەنات ءتوراعاسى نارازىلىق شاراسى ديالوگ نەگىزىندە شەشىلۋ كەرەكتىگىن ايتقان. سونداي-اق گاز باعاسىنىڭ كوتەرىلۋىنە قاتىستى تەرگەۋ ءجۇرىپ جاتىر.