ەرىكتىلەر ازىق-تۇلىكتەن قينالعان حالىققا قولۇشىن سوزىپ، ءۇي-ۇيدى ارالاپ تەگىن نان تاراتىپ ءجۇر، دەپ حابارلايدى Almaty-akshamy.kz Baq.kz-كە سىلتەمە جاساپ.
قالادا بىرنەشە كۇننەن بەرى ازىق-تۇلىك تاپشىلىعىنان قينالعان تۇرعىندارعا ەرىكتەلەر تەگىن نان تاراتىپ ءجۇر. ەرىكتىلەر بۇگىن «تاۋگۇل-2» ىقشاماۋدانى تۇرعىندارىنا «اقساي نان» زاۋىتىنىڭ ءبىر قوراپ نانىن جەتكىزگەن.
«ۇيدە وتىرعانمىن، دالادان داۋىس كۇشەيتكىشپەن «نان الىڭىزدار، تەگىن نان» دەگەن داۋىستار شىقتى. بارسام، 3-4 جىگىت كولىكتەن ءبىر قوراپ ناندى ءتۇسىرىپ، «كورشىلەرىڭىزگە تاراتىپ بەرەرسىز» دەپ تاستاپ كەتتى. كەيىن كورشىلەردىڭ بارلىعى كەلىپ الا باستادى. ەرىكتىلەر قانداي قوردان، قانداي مەكەمەدەن ەكەندەرىن ايتپادى. وسىنداي قيىن ساتتە قولۇشىن سوزىپ جاتقان ادامدارعا مىڭ العىس»، - دەيدى قالا تۇرعىنى ەردەن سمايىل.
ايتا كەتسەك، قالاداعى جاعداي تۇراقتالىپ كەلەدى. قالا اكىمدىگى ازىق-تۇلىك تاپشىلىعى بولمايتىنىن جانە بۇگىننەن باستاپ ءىرى ازىق-تۇلىك دۇكەندەرى اشىلا باستايتىنىن حابارلادى.