رەەستردە 7 جىل بويى «بانكروت» دەگەن مارتەبە تىركەلىپ تۇرادى.
«بانكروت» اتانعان ادام 5 جىل بويى كرەديت الا المايدى، دەپ حابارلايدى Almaty-akshamy.kz Baq.kz-كە سىلتەمە جاساپ.
ورتالىق كوممۋنيكاسيالار قىزمەتى الاڭىندا وتكەن بريفينگتە قارجى ۆيسە-مينيسترى ەرجان ءبىرجانوۆ ازاماتتارعا بانكروتتىقتىڭ قانداي سالدارى بولاتىنىن ءتۇسىندىرىپ بەردى.
سوت بانكروتتىعىن جانە سوتتان تىس بانكروتتىق راسىمدەرىن قولداناتىن ازاماتتار:
• 5 جىل ىشىندە بانكتەردەن جانە ميكروقارجى ۇيىمدارىنان كرەديتتەر الا المايدى (لومباردتاردىڭ ميكروكرەديتتەرىن الۋدان باسقا)؛
• ولار 7 جىلدان كەيىن عانا قايتا بانكروتتىققا جۇگىنە الادى؛
• ولاردىڭ قارجىلىق جاعدايى بانكروتتىقتان كەيىن ءۇش جىل بويى تەكسەرىلەدى.
تولەم قابىلەتتىلىگىن قالپىنا كەلتىرۋ كەزىندە مۇنداي سالدار بولمايدى. سوندىقتان ازامات ءوزىن بانكروت دەپ جاريالاماس بۇرىن، ىقتيمال سالدارى مەن شەكتەۋلەر تۋرالى ويلانۋ كەرەك، - دەپ ءتۇسىندىردى ۆيسە-مينيستر وكق-دا.
ءبىرجانوۆ قازاقستاندىقتارعا تاعى ءبىر ماسەلەنى ەسكەرتتى.
رەەستردە 7 جىل بويى «بانكروت» دەگەن مارتەبە تىركەلىپ تۇرادى. بانكتەر جانە باسقا دا ۇيىمدار بۇل اقپاراتتى الا الادى. سونداي-اق ونى كەڭىنەن پايدالانا الادى دەپ ويلايمىن. سەبەبى 7 جىلدان كەيىن بانكروتتىق مارتەبەسى وتسە دە، بانك 7-10 جىلدان كەيىن كرەديت بەرۋ نە باسقا ماسەلە بويىنشا ازامات تۋرالى مالىمەتتى الىپ، وڭ ەمەس شەشىم قابىلداۋى دا مۇمكىن، - دەپ ايتتى ول.
قارجى ۆيسە-مينيسترى ازاماتتارعا بانكروتتىق سوڭعى شەشىم بولۋى كەرەگىن تاعى ءبىر مارتە ەسكەرتتى.
سونىمەن قاتار ءبىرجانوۆ ازامات ءوزىن بانكروت دەپ جاريالاۋعا ءوزى عانا شەشىم قابىلداۋى كەرەگىن ايتتى. سوزىنشە، بانكتەر نەمەسە كرەديتورلار جەكە تۇلعانى «بانكروت» دەپ تانۋ ءۇشىن ەش جەرگە ارىز بەرە المايدى.
بورىشكەردىڭ ءوزى عانا ءوزىن بانكروت دەپ تاني الادى؛
سوت بانكروتتىعى كەزىندە كرەديتورلاردىڭ مۇددەلەرى بورىشكەردىڭ مۇلكىنە باعىتتالعان؛
سوت بانكروتتىعىنىڭ كەز كەلگەن كەزەڭىندە بورىشكەر مەن كرەديتورلار قارىزداردى ەرىكتى تۇردە تولەۋ تۋرالى بىتىمگەرشىلىك كەلىسىم جاساسۋعا قۇقىلى.
بورىشكەر بانكروتتىققا دەيىن 3 جىل ىشىندە كرەديتورلار الدىنداعى مىندەتتەمەلەردى ورىنداۋدان جالتارۋ ماسەلەسىن تەكسەرەدى: مۇلىكتى ساتتى، سىيعا تارتتى، جاسىردى نەمەسە جويدى؛
تولەم قابىلەتتىلىگىن بەس جىلدان از ۋاقىت ىشىندە قالپىنا كەلتىرۋگە بولادى.