استاناداعى بانك عيماراتىندا قىزمەتكەرلەردى ۇستاپ وتىرعان قارۋلى كۇدىكتىگە قانداي جازا قاراستىرىلعانى بەلگىلى بولدى، دەپ حابارلايدى Polisia.kz.
وقيعا 18 ماۋسىم كۇنى ساعات 13:51-دە بولعان ەدى. دوستىق كوشەسىنىڭ بويىنداعى Kaspi bank فيليالىنا كىرگەن بەلگىسىز تۇلعا تاپانشاعا ۇقساس زاتپەن قورقىتىپ 7 ادامدى كەپىلگە العان.
كەلىسسوز جۇرگىزگەننەن كەيىن ساعات 16:35-تە ارنايى جاساق قىزمەتكەرلەرى عيماراتقا شابۋىل جاسادى. جوسپارلانعان وپەراسيانىڭ ناتيجەسىندە 30 جاستاعى ەر ادام ۇستالىپ، كەپىلگە الىنعانداردىڭ بارلىعى بوساتىلدى. كەپىلگە الىنعاندار مەن كەپىلگە الۋشى زارداپ شەككەن جوق.
اتالعان فاكتى سوتقا دەيىنگى تەرگەۋدىڭ ءبىرىڭعاي تىزىمىنە ق ر قك 261 بابى 2 بولىگى «ادامدى كەپىلگە الۋ» بويىنشا تىركەلدى. بۇل باپتا مۇلكى تاركىلەنىپ نەمەسە ونسىز، جەتi جىلدان ون ەكi جىلعا دەيiنگi مەرزiمگە باس بوستاندىعىنان ايىرۋ جازاسى قاراستىرىلعان.
ق ر قىلمىستىق-پروسەستىك كودەكسىنىڭ 201-بابى نەگىزىندە سوتقا دەيىنگى تەرگەپ-تەكسەرۋدىڭ وزگە دە دەرەكتەرى جاريا ەتىلمەيدى.