جارىسقا الەمنىڭ 20-دان استام ەلىنەن 6000-عا جۋىق ادام قاتىستى.
«ءبىرىنشى بولۋعا باتىلدىق» كورپوراتيۆتىك قورى استانادا ەكىنشى مارتە جۇگىرۋدەن جارتىلاي مارافون جارىسىن وتكىزدى، دەپ حابارلايدى Almaty-akshamy.kz Elorda.info-عا سىلتەمە جاساپ.
جارىس EXPO حالىقارالىق كورمەسىنەن باستالىپ، الەمنىڭ 20-دان استام ەلىنەن 6000-عا جۋىق جەلاياق استانانىڭ كورنەكتى بوتانيكالىق ساياباق، ۇلتتىق مۋزەي، تاۋەلسىزدىك سارايى ت.ب جەرلەرىن جۇگىرىپ ءوتتى.
Aشىلۋ سالتاناتىندا استانا قالاسى اكىمىنىڭ ورىنباسارى ەرلان بەكمۇرزايەۆ قاتىسىپ، وسىنداي بۇقارالىق سپورت شارالارى ارتقانىنىڭ ناتيجەسىندە ءوزىنىڭ دە جەلاياقتار قاتارىنا قوسىلعانىن ايتىپ ءوتتى. ول سپورتتى سەرىك ەتكەن جاندارعا ساتتىلىك تىلەي وتىرىپ، جۇگىرەتىندەردىڭ سانى ارتقانىنا قۋانىش ءبىلدىردى.
بيىلعى مارافوننىڭ باستى ەرەكشەلىگى – بىلتىرعىعا قاراعاندا 1 ساعات ەرتە باستالدى. ساعات 7:00-دە 10 شاقىرىم قاشىقتىققا تىركەلگەندەر سايىستى باستاسا، 7:25-تە جارتىلاي مارافونشىلار ىسكە كىرىستى.
«كۇننىڭ ىستىعىنا سوزباي، ساعات 7-دە باستاعانىنا وتە قۋانىشتىمىن. ناتيجەسىندە بىلتىرعىعا قاراعاندا ءسال دە بولسا جاقسى جۇگىردىم. 10 شاقىرىمدى 58 مينۋتتا باعىندىردىم. مارەگە جەتەر ساتتە كۇن شاقىرايىپ، تەمپەراتۋرانىڭ جوعارىلىعى ءبىلىندى. كەلەسى جىلى 6-دا باستاسا دەگەن تىلەگىم بار»، - دەپ ءوز ويىمەن ءبولىستى 57 جاستاعى استانا تۇرعىنى قانات المانوۆ.
وكىنىشكە قاراي، بيىل قاتىسۋشىلاردىڭ سانى ارتقانىمەن، بىلتىرعى رەكوردتاردىڭ مۇرتى بۇزىلمادى.